Petrol & Diesel Price: ఎక్సైజ్‌ సుంకాన్ని తగ్గించిన కేంద్రం.. పెట్రోల్‌, డీజిల్‌ ధరలు తగ్గుతాయా..?

Petrol & Diesel Price: ఇరాన్‌ – ఇజ్రాయెల్, అమెరికా యుద్ధ సమయంలో అసలే పెట్రో కొరత ఉందనే పుకార్లు షికార్లు చేయడం.. చాలా పెట్రోల్‌ బంక్‌ల్లో నో స్టాక్‌ బోర్డులు దర్శనమిస్తున్న సమయంలో కేంద్ర ప్రభుత్వం అనూహ్య నిర్ణయం తీసుకుంది.. దేశీయ చమురు కంపెనీలపై భారీ ఉపశమనం కల్పిస్తూ పెట్రోల్‌, డీజిల్‌పై ఎక్సైజ్ సుంకాన్ని తగ్గించింది కేంద్రంలోని నరేంద్ర మోడీ సర్కార్‌.. పెట్రోల్‌పై ఎక్సైజ్ సుంకాన్ని రూ.13 నుంచి రూ.3కి, డీజిల్‌పై రూ.10 నుంచి సున్నాకు తగ్గించడం ద్వారా వినియోగదారులకు కూడా ఉపశమనం చేకూరాలని ఉద్దేశించింది. అయితే, దీనివల్ల భౌతికంగా ఇంధన ధరలు తగ్గుతాయా అన్నది ప్రస్తుతం చర్చనీయాంశంగా ఉంది.

అంతర్జాతీయ మార్కెట్ పరిస్థితులు
పశ్చిమ ఆసియాలో నెలకొన్న ఉద్రిక్తతల కారణంగా ముడి చమురు ధరలు సుమారు 106కి చేరాయి. చమురు దిగుమతుల వ్యయం పెరగడం, హోర్ముజ్ జలసంధిలో సమస్యలు ఏర్పడటం వల్ల చమురు కంపెనీలకు భారీ ఒత్తిడి ఏర్పడింది. ఇలాంటి పరిస్థితుల్లో కేంద్రం ఎక్సైజ్ సుంకాన్ని తగ్గించడం ద్వారా కంపెనీలకు భారం కొంతమేర తగ్గించడం సాధ్యమైంది.

ఎక్సైజ్ సుంకం తగ్గింపు ప్రభావం
పెట్రోల్, డీజిల్‌పై ఎక్సైజ్ సుంకం తగ్గించడాన్ని ప్రభావితంగా చెప్పాలంటే, ఈ మార్పు కేవలం చమురు కంపెనీలకు ఉపశమనం కల్పిస్తుంది. వినియోగదారులు చమురు ధరలలో సగటున తగ్గుదల చూడకపోవచ్చు. కేంద్రం చెప్పిన విధంగా, ఈ నిర్ణయం ధరలను పెరగకుండా నిలుపుకోవడానికి తీసుకోబడింది.

ప్రభుత్వం తీసుకున్న మిగతా చర్యలు
ఆర్థిక మంత్రి నిర్మలా సీతారామన్ తెలిపినట్లు, డీజిల్ ఎగుమతిపై లీటరుకు రూ.21.5, ఏటీఎఫ్‌పై రూ.29.5 సుంకం విధించడం ద్వారా దేశీయ వినియోగం కోసం సరఫరా సౌకర్యాన్ని కల్పించడమే లక్ష్యం. ప్రధాని నరేంద్ర మోడీ ఈ పరిస్థితుల్లో ప్రజల భారం తగ్గించేందుకు నిరంతరం ప్రయత్నిస్తున్నారు.

* దేశీయ పెట్రోల్, డీజిల్ ధరలు.. ప్రధాన నగరాల్లో ఇంధన ధరలు ఇలా ఉన్నాయి:
ఢిల్లీలో: పెట్రోల్ రూ.94.77, డీజిల్ రూ.87.67
నోయిడాలో: పెట్రోల్ రూ.94.85, డీజిల్ రూ.87.98
ముంబైలో: పెట్రోల్ రూ.103.54, డీజిల్ రూ.90.03
చెన్నైలో: పెట్రోల్ రూ.100.80, డీజిల్ రూ.92.38

మొత్తం మీద, ఎక్సైజ్ సుంకం తగ్గింపు చమురు కంపెనీలకు ఊరట కలిగించినప్పటికీ, అంతర్జాతీయ మార్కెట్ పరిస్థితుల కారణంగా వినియోగదారులకు ఇంధన ధరల్లో తక్కువ ప్రభావం మాత్రమే కనిపించవచ్చు.