Airtel: ఛార్జీల వడ్డింపునకు సిద్ధమైన ఎయిర్‌టెల్..!

అన్నీ ఉచితమంటూ టెలికం రంగంలో రిలయన్స్‌ జియో ఎంట్రీ ఇవ్వడంతో.. పోటీ పడి తమ ప్లాన్స్‌ రేట్లను తగ్గిస్తూ వచ్చిన వివిధ టెలికం సంస్థలు.. మళ్లీ క్రమంగా వడ్డింపు ప్రారంభించాయి.. ఇప్పటికే జియో, ఎయిర్‌టెల్‌, ఐడియా.. ఇలా అన్ని తమ టారీప్‌ రేట్లను పెంచేయగా.. మరోసారి చార్జీల పెంపునకు సిద్ధం అవుతోంది భారతీ ఎయిర్‌టెల్.. మినిమం ఛార్జీ రూ.200కు చేరుతుందని భారతీ ఎయిర్‌టెల్‌ భారత్‌-దక్షిణాసియా ఎండీ, సీఈవో గోపాల్‌విత్తల్‌ వెల్లడించారు.. నెలలో కనీస ఛార్జీ రూ.300గా ఉండాలన్న తమ టార్గెట్‌ ఐదేళ్లలో సాకారమవుతుందని వెల్లడించారు. 5G స్పెక్ట్రమ్ రిజర్వ్ ధరలో 35 శాతం తగ్గింపు సరిపోదని.. ఇది చాలా నిరాశపరిచింది అన్నారు. అయితే, రాబోయే వేలం కోసం కొత్త వ్యూహాలు ఉన్నట్టు వెల్లడించారు.

Read Also: Gold Price: గుడ్‌న్యూస్‌.. భారీగా తగ్గిన పసిడి ధర

టారిఫ్‌ల పెంపునకు సంబంధించి, ఈ సంవత్సరం కంపెనీ పేర్కొన్న రూ. 200 సగటు రాబడి ప్రతి వినియోగదారునికి (అర్పు) లక్ష్యాన్ని చేరుకోవడానికి మరో పెరుగుదల అవసరమని తెలిపారు గోపాల్‌ విత్తల్.. ప్రస్తుత స్థాయిలో టారిఫ్‌లు ఇప్పటికీ చాలా తక్కువగా ఉన్నాయని.. మేం రూ. 200కి చేరుకోవాల్సిన అవసరం ఉందని భావిస్తున్నాను. దీనికి కనీసం మరో రౌండ్ టారిఫ్ పెంపు అవసరం, ఎందుకంటే ఇప్పుడున్న పరిస్థితి మరియు రూ. 200 మధ్య వ్యత్యాసం దాదాపు రూ. 22.. మీరు చూసినప్పటికీ మేం మా వ్యాపారంలో చూసే పోస్ట్‌పెయిడ్ యొక్క సహజమైన అప్‌గ్రేడ్, పెరుగుదలతో కొంత పెరుగుతుంది, అది తక్కువ వ్యవధిలో ఆ వంతెనను కవర్ చేయడానికి సరిపోదు. కాబట్టి, ఒక రౌండ్ సుంకం పెరుగుదల మనల్ని రూ. 200 పరిధిలోకి తీసుకువెళుతుందని నేను భావిస్తున్నాను, ఆపై రూ. 300కి చేరుకోవడం కొంత కాల వ్యవధిలో ఉంటుందని తెలిపారు గోపాల్‌ విత్తల్.

ప్రస్తుతం కంపెనీ యొక్క అర్పు గత త్రైమాసికంలో రూ.163తో పోలిస్తే త్రైమాసికానికి 9.2శాతం పెరిగి రూ.178కి చేరుకుంది. ఎయిర్‌టోల్‌ యొక్క అర్పు పరిశ్రమలో అత్యుత్తమంగా కొనసాగుతోంది, రిలయన్స్‌ జియో యొక్క రూ. 167.6 కంటే ముందుంది. ఆర్పులో వృద్ధి సుంకాల పెంపుదల మరియు 4G కస్టమర్ జోడింపుల జోరును కొనసాగించింది. త్రైమాసికంలో డిసెంబర్ టారిఫ్ పెంపుదల పూర్తి ప్రభావాన్ని కంపెనీ చూసింది. ఇక, 2021 మార్చి ఆఖరుకు ఎయిర్‌టెల్‌కు 32.1 కోట్ల మంది చందాదార్లు ఉంటే, 2022 మార్చి చివరకు ఈ సంఖ్య 32.6 కోట్లకు చేరిందని ఆ సంస్థ పేర్కొంది.