24 Carat Gold: బంగారం 24 క్యారెట్లే ఎందుకు? 50 లేదా 100 క్యారెట్లు ఎందుకు ఉండవు? 3,000 ఏళ్ల చరిత్ర.. మీకు తెలుసా?
- Follow Us :
-
-
Add as a preferred
source on google
24 Carat Gold: బంగారం కొనుగోలు చేయడానికి వెళ్లినప్పుడు 24 క్యారెట్లు, 22 క్యారెట్లు, 18 క్యారెట్లు వంటి పదాలు తరచూ వినిపిస్తాయి. అయితే బంగారం స్వచ్ఛతను 24 క్యారెట్లలోనే ఎందుకు కొలుస్తారు? 50 క్యారెట్లు లేదా 100 క్యారెట్లు ఎందుకు ఉండవు? అనే సందేహం చాలామందికి వస్తుంది. దీనికి సమాధానం తెలుసుకోవాలంటే వేల ఏళ్ల చరిత్రలోకి వెళ్లాల్సిందే.
ఒక చిన్న గింజతో ప్రారంభమైన చరిత్ర
నేటిలా డిజిటల్ త్రాసులు, ఖచ్చితమైన కొలత పరికరాలు లేని కాలంలో వ్యాపారులు బంగారం, వజ్రాలు వంటి విలువైన వస్తువులను తూచేందుకు సహజమైన ప్రమాణాన్ని ఉపయోగించేవారు. మధ్యధరా సముద్ర తీర ప్రాంతాల్లో విరివిగా పెరిగే కారోబ్ చెట్టు గింజలు దాదాపు ఒకే బరువు ఉండేవి. ఒక్కో గింజ సుమారు 0.18 నుంచి 0.20 గ్రాముల బరువు ఉండటంతో వాటినే తూకం ప్రమాణంగా ఉపయోగించడం ప్రారంభించారు.
Also Read
- Gold and Silver Price: కొనేవారికి గుడ్ న్యూస్.. భారీగా పడిపోయిన బంగారం, వెండి ధరలు
- Gold and Silver Prices Fall: పసిడి ప్రియులకు గుడ్న్యూస్.. భారీగా తగ్గిన బంగారం, వెండి ధరలు
- Maxwell Engineering Solutions IPO Listing: 90% ప్రీమియంతో లిస్టింగ్..ఇన్వెస్టర్లకు భారీ లాభాలు..!
- Stock Market Rally: స్టాక్ మార్కెట్లో బుల్ జోరు.. సెన్సెక్స్ 2,000 పాయింట్ల జంప్.. ఇన్వెస్టర్లకు కాసుల వర్షం..!
‘క్యారెట్’ అనే పదం ఎలా వచ్చింది?
కారోబ్ గింజ పేరు కాలక్రమేణా వివిధ భాషల్లో మారుతూ వచ్చింది. గ్రీకు భాషలో దీనిని ‘కెరాసియన్’, అరబిక్లో ‘ఖిరాత్’, ఇటాలియన్లో ‘కరాటో’ అని పిలిచేవారు. చివరకు ఆంగ్లంలో అది ‘క్యారెట్ (Carat)’గా మారింది. ప్రస్తుతం బంగారం స్వచ్ఛతను సూచించే క్యారెట్ అనే పదానికి ఇదే మూలం.
24 క్యారెట్ల విధానం ఎలా ప్రారంభమైంది?
24 క్యారెట్ల విధానం రోమన్ సామ్రాజ్య కాలంలో ప్రారంభమైంది. క్రీ.శ. 309లో రోమన్ చక్రవర్తి కాన్స్టాంటైన్ ప్రవేశపెట్టిన ‘సాలిడస్’ అనే బంగారు నాణెనాన్ని 24 సమాన భాగాలుగా విభజించేవారు. ఒక్కో భాగాన్ని ‘సిలిక్వా’ అని పిలిచేవారు. ప్రతి సిలిక్వా దాదాపు ఒక కారోబ్ గింజ బరువుతో సమానంగా ఉండేది. ఈ విధానంతో బంగారం స్వచ్ఛతను కొలవడం ప్రారంభమైంది. ఒక వస్తువులోని మొత్తం 24 భాగాలు బంగారమే ఉంటే దానిని 24 క్యారెట్లు అని పిలిచేవారు. 24లో 22 భాగాలు బంగారం ఉంటే అది 22 క్యారెట్లు, 18 భాగాలు ఉంటే 18 క్యారెట్లుగా పరిగణించేవారు.
24K, 22K, 18K అంటే ఏమిటి?
* 24 క్యారెట్లు (24K) – 99.9% స్వచ్ఛమైన బంగారం
* 22 క్యారెట్లు (22K) – 91.6% బంగారం
* 18 క్యారెట్లు (18K) – 75% బంగారం
* 14 క్యారెట్లు (14K) – 58.5% బంగారం
* 9 క్యారెట్లు (9K) – 37.5% బంగారం
క్యారెట్ సంఖ్య తగ్గే కొద్దీ రాగి, వెండి, జింక్ వంటి ఇతర లోహాల శాతం పెరుగుతుంది. అందుకే నగల తయారీలో ఎక్కువగా 22K లేదా 18K బంగారాన్ని ఉపయోగిస్తారు. స్వచ్ఛమైన 24K బంగారం చాలా మెత్తగా ఉండటం వల్ల దానితో ఆభరణాలు తయారు చేయడం కష్టమవుతుంది.
వేల ఏళ్లైనా మారని ప్రమాణం
సాంకేతికత ఎంతో అభివృద్ధి చెందినా, బంగారం స్వచ్ఛతను కొలిచే 24 క్యారెట్ల ప్రమాణం మాత్రం మారలేదు. వేల సంవత్సరాల క్రితం ఒక చిన్న కారోబ్ గింజతో ప్రారంభమైన ఈ విధానం నేటికీ ప్రపంచవ్యాప్తంగా కొనసాగుతోంది. అందుకే మీరు నగల దుకాణంలో 24K, 22K లేదా 18K అని చూసినప్పుడు, అది కేవలం బంగారం స్వచ్ఛతను సూచించే సంఖ్య మాత్రమే కాదు, దాదాపు మూడు వేల సంవత్సరాల చరిత్రను ప్రతిబింబించే అంతర్జాతీయ ప్రమాణమని గుర్తుంచుకోవాలి.
తాజావార్తలు
-
Badrinath Highway Tragedy: బద్రీనాథ్ హైవేపై ఘోర ప్రమాదం.. లోయలో పడిన బస్సు.. ఆరుగురు మృతి!
-
IND vs NZ 1st Test: తొలి టెస్టుకు టీమిండియా ప్లేయింగ్ కాంబినేషన్ ఖరారు.. గిల్ కీలక వ్యాఖ్యలు!
-
CM Chandrababu Delhi Tour: మరోసారి ఏపీ సీఎం హస్తిన బాట.. కేంద్ర మంత్రులతో కీలక సమావేశాలు
-
Sai Pallavi & Sreeleela Dance: స్టేజ్పై డాన్స్ తో సందడి చేసిన స్టార్ హీరోయిన్స్.. వైరల్ వీడియో..!
-
Koti Deepotsavam 2026: కన్నుల పండుగగా కోటి దీపోత్సవం.. నాలుగో రోజు ప్రత్యేక కార్యక్రమాలు ఇవే..
ట్రెండింగ్
-
12.1 అంగుళాల 2.8K డిస్ప్లే, 10,050mAh బ్యాటరీతో OPPO Pad Air6 ట్యాబ్లెట్ లాంచ్..!
-
10 రోజుల బ్యాటరీ లైఫ్, IP69+IP69K రేటింగ్స్, 100+ స్పోర్ట్స్ మోడ్లతో OPPO Watch 5 లాంచ్..!
-
IPL 2027: రాజస్థాన్ రాయల్స్లోకి మహమ్మద్ షమీ.. వరల్డ్ కప్ విన్నర్ను వదులుకుంటున్న ఆర్ఆర్!
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!