బిగ్ బాస్ 5 : ఎట్టకేలకు కెప్టెన్ అయ్యాడు !

“బిగ్ బాస్ సీజన్ తెలుగు 5″లో ఉన్న టాప్ కంటెస్టెంట్లలో యాంకర్ రవి ఒకరు. ఆయన తన వ్యూహాలతో మొదటి వారం నుండి అందరి దృష్టిని ఆకర్షించడం మొదలుపెట్టాడు. రవి యాంకర్ మాత్రమే కాదు మంచి ఎంటర్‌టైనర్ కూడా. కాబట్టి అతన్ని లైమ్‌లైట్ నుండి దూరంగా ఉంచడం బిగ్ బాస్ కు చాలా కష్టం. ఇక హౌజ్ లోకి వెళ్ళాక రవిని మానిప్యులేటర్, ఇన్‌ఫ్లుయెన్సర్ అని పిలిచారు. తొమ్మిది వారాల్లో ఎనిమిది వారాల్లో రవి నామినేట్ అయ్యాడు. ఈ వారం కూడా ఎలిమినేషన్ జోన్‌లోనే ఉన్నాడు. అయినప్పటికీ గట్టిగా పోరాడుతున్నాడు రవి.

Read Also : ప్రభాస్ ఫ్యాన్ సూసైడ్ నోట్… యూవీ క్రియేషన్స్ కు కొత్త తలనొప్పి

అయితే ఈ వారం ఎలిమినేషన్ నుంచి ఆయన సేవ్ అయితే గనుక వచ్చే వారం కూడా ఇమ్యూనిటీ పొందే అవకాశం వస్తుంది. ఎందుకంటే రవి ఇప్పుడు హౌస్‌కి కొత్త కెప్టెన్‌. తాజా సమాచారం ప్రకారం రవి తొమ్మిదవ కెప్టెన్ గా ఎంపికైన హౌస్‌మేట్. అనీ, షణ్ముఖ్, సిరి, శ్రీరామ చంద్ర, సన్నీ, జస్వంత్, విశ్వ (రెండుసార్లు), ప్రియ ఇప్పటి వరకు కెప్టెన్‌లుగా ఉన్నారు. హౌస్ కెప్టెన్‌గా రవి ఎంపిక కావడం ఇదే తొలిసారి. బిగ్ బాస్ ఈ వారం హోటల్ టాస్క్ నిర్వహించారు. రవికి సీక్రెట్ టాస్క్ కూడా ఇచ్చారు. టాస్క్‌లో రవి కెప్టెన్‌గా ఎలా ఎన్నికయ్యారు అనేది ఈ రాత్రి ఎపిసోడ్‌లో ప్రసారం కానుంది. రవితో పాటు ఈ వారం నామినేషన్స్‌లో ఉన్న హౌస్‌మేట్స్ మానస్, సన్నీ, కాజల్, సిరి. ఈ వారం ఈ ఐదుగురిలో ఎవరు ఎలిమినేట్ అవుతారో చూడాలి.