Minister Nara Lokesh: త్వరలో ఆంధ్ర యూనివర్సిటీపై కీలక ప్రకటన..

Minister Nara Lokesh: త్వరలో ఆంధ్ర యూనివర్సిటీకి సంబంధించిన ఒక కీలక ప్రకటన చేస్తామన్నారు మంత్రి నారా లోకేష్.. ఏయూ వార్షికోత్సవ వేడుకల్లో పాల్గొన్న ఆయన.. ఈ సందర్భంగా మాట్లాడుతూ.. అధికారంలోకి వచ్చాక విద్యా శాఖ మంత్రిగా బాధ్యతలు చేపట్టాను.. చాలామంది అన్నారు విద్యా శాఖ చాలా కష్టమని.. అయినా ఇష్టపడి తీసుకున్నానని తెలిపారు.. ఇక, ఆంధ్ర యూనివర్సిటీని ఐదేళ్లలో టాప్ 3లోకి తీసుకురావాలని ముఖ్యమంత్రి చంద్రబాబు ఆదేశించారు.. ప్రపంచ స్థాయిలో ఆంధ్ర యూనివర్సిటీని టాప్ యూనివర్సిటీలో ఒకటిగా ఉంచాలన్నారని తెలిపారని గుర్తుచేసుకున్నారు.. 434 ఎకరాల విస్తీర్ణంలో విస్తరించి ఉన్న ఆంధ్ర విశ్వవిద్యాలయం విజ్ఞానం, విద్యా నైపుణ్యానికి ఒక వెలుగు వెలిగింది.. ఈ రోజు వరకు దాదాపు 3 లక్షల మంది విద్యార్థులకు సేవలందించడం ద్వారా మన రాష్ట్రానికే కాకుండా మన దేశానికి మేధో శక్తి అందించే సామర్థ్యంతో అపారంగా దోహదపడింది.అనేక మంది ప్రముఖులు వారి విజయాలకు నిదర్శనం ఈ విశ్వవిద్యాలయం అన్నారు.

Read Also: S Jaishankar: “బ్రిక్స్ కరెన్సీ ప్రతిపాదన లేదు”.. ట్రంప్ వార్నింగ్‌ తర్వాత జైశంకర్ ప్రకటన..

ఆంధ్ర విశ్వవిద్యాలయం విశిష్ట విజయాలు సాధించినందుకు నేను అభినందిస్తున్నాను అన్నారు మంత్రి లోకేష్‌.. విద్యా ప్రపంచానికి ఇది అపురూపమైన సేవలను అందించినప్పటికీ, ఇటీవలి కాలంలో కీర్తి ప్రతిష్ఠలు గణనీయంగా తగ్గిపోయాయి .. NIRF యూనివర్శిటీ ర్యాంకింగ్‌లు 2019లో 16వ స్థానం నుండి 2024లో 25వ స్థానానికి క్షీణించాయి. మొత్తం విభాగంలో 29 నుండి 41కి పడిపోయామని ఆవేదన వ్యక్తం చేశారు.. ఆంధ్ర యూనివర్శిటీ గత వైభవాన్ని తిరిగి పొందడమే కాకుండా, భారతదేశంలోనే కాకుండా ప్రపంచంలోని టాప్ 100లో అగ్రశ్రేణి విశ్వవిద్యాలయాలలో ఒకటిగా అవతరించడం ద్వారా ప్రపంచ స్థాయి గొప్ప విద్యాసంస్థగా అవతరించాలని నేను కోరుకుంటున్నాను అని పేర్కొన్నారు.. ఆంధ్ర యూనిర్సిటీ పూర్వ వైభవం తీసుకు రావడానికి ఒక సలహా మండలిని ఏర్పాటు చేస్తాం.. ఆంధ్ర యూనివర్సిటీని బలోపేతం చేయడానికి ఇండస్ట్రీ కనెక్ట్ కూడా ఒక కీలకమైన చర్యగా పేర్కొన్నారు.. ఈ విశ్వవిద్యాలయం పునరుద్ధరణకు ఆంధ్రప్రదేశ్ ప్రభుత్వం పూర్తిగా కట్టుబడి ఉంది. విద్యాశాఖ మంత్రిగా విద్యను కేజీ నుంచి పీజీకి మార్చేందుకు కట్టుబడి ఉన్నాను.. యూనివర్శిటీలకు సరిపడా సిబ్బంది ఉండేలా తగిన సిబ్బంది నియామకం, నియామక ప్రక్రియను వేగవంతం చేయనున్నాం.. బహుళ వనరుల నుండి మద్దతుతో, ప్రపంచ స్థాయి సదుపాయంతో గ్లోబల్ ఇంక్యుబేషన్ హబ్‌గా మారడానికి ఆంధ్ర యూనివర్సిటీ ఒక కృత్రిమమైన సెంటర్ ఆఫ్ ఎక్సలెన్స్‌ను ఏర్పాటు చేయాలని మేము కోరుకుంటున్నానని తెలిపారు మంత్రి నారా లోకేష్‌..