Minister Roja: చంద్రబాబు అరెస్టుతో ఎన్టీఆర్ ఆత్మ సంతోషంగా ఉంటుంది

చంద్రబాబు అరెస్ట్ పై ఉదయం నుంచి వైసీపీ నేతలు తీవ్ర వ్యాఖ్యలు చేస్తున్న సంగతి తెలిసిందే. తాజాగా చంద్రబాబును సీఐడీ ప్రశ్నిస్తుంది. మరోవైపు చంద్రబాబు అరెస్ట్ పై మంత్రి ఆర్కే రోజా తీవ్ర స్థాయిలో కామెంట్స్ చేశారు. చంద్రబాబు తప్పు చేశాడు కాబట్టే అరెస్టయ్యాడని, అవినీతికి పాల్పడిన వ్యక్తిని జైలుకు పంపించకుండా ఎక్కడకు పంపిస్తారని ఆగ్రహం వ్యక్తం చేశారు. చంద్రబాబు అరెస్ట్‌తో ఇప్పుడు ఎన్టీఆర్ ఆత్మ సంతోషంగా ఉంటుందన్నారు. ‘పిచ్చోడు లండన్‌కి… మంచోడు జైలుకి… ఇది కదా రాజారెడ్డి రాజ్యాంగం’ అంటూ నారా లోకేశ్ చేసిన ట్వీట్‌కు మంత్రి రోజా కౌంటర్ ఇచ్చారు.

Read Also: CID Investigation: సీఐడీ ప్రశ్నల వర్షం.. చంద్రబాబు ఏమన్నారంటే..!

ఎక్స్ (ట్విట్టర్)లో మంత్రి రోజా కౌంటర్ ఇచ్చారు. ‘ఓ పిల్ల సైకో లోకేశ్… మీ డాడీ కేడీ కాబట్టే అరెస్టయ్యాడు’ అంటూ తీవ్ర వ్యాఖ్యలు చేశారు. మీ నాన్న మంచోడు కాదని, సూట్ కేసు కంపెనీలతో ముంచేసినోడని తెలుసుకో అన్నారు. ఇలాంటి కరప్షన్ కింగ్‌ను జైలుకు పంపించకుండా జైలర్ సినిమాకు పంపిస్తారా? అని ఎద్దేవా చేశారు. ఓ పప్పూ.. మీ నాన్న తుప్పు కాదు నిప్పు అయితే కనుక ఈ కుంభకోణంలో విచారణ జరుపుకోండని ధైర్యంగా చెప్పు అంటూ లోకేశ్‌కు సవాల్ విసిరారు. ఈ కేసులో ఏ1గా ఉన్న చంద్రబాబును ఏ దేవుడూ కాపాడలేడని, మీ తాత ఎన్టీఆర్ ఆత్మ ఇప్పటికి సంతోషిస్తుందన్నారు. బైబై తుప్పు.. బైబై పప్పు అంటూ ట్వీట్‌లో తెలిపారు.

మీ డాడీ…కేడి కాబట్టే అరెస్ట్ అయ్యాడు పిల్ల సైకో @naralokesh. మంచోడు కాదు సూట్ కేస్ కంపెనీలుతో ముంచేసినోడు మీ @ncbn నాన్న. కరప్షన్ కింగ్ ఆఫ్ ఇండియాని జైలుకి పంపక.. #Jailer సినిమాకి పంపిస్తారా? పప్పు మీ నాన్న తుప్పు కాదు నిప్పు అయితే `ఈకుంభకోణంలో విచారణ జరుపుకొండి..` అని ధైర్యంగా… https://t.co/N3UbmTK8HZ

— Roja Selvamani (@RojaSelvamaniRK) September 9, 2023