MLC Anantha Babu : అనంతబాబు బెయిల్‌పై నేడు విచారణ
- Follow Us :
-
-
Add as a preferred
source on google
త‌న మాజీ డ్రైవ‌ర్‌ సుబ్ర‌హ్మ‌ణ్యంను హ‌త్య చేసిన కేసులో అరెస్టైన వైసీపీ బ‌హిష్కృత నేత, ఎమ్మెల్సీ అనంత‌బాబుకు రిమాండ్ పొడిగిస్తూ రాజ‌మ‌హేంద్ర‌వ‌రం కోర్టు నిర్ణ‌యం తీసుకున్న విషయం తెలిసిందే. అయితే ఈ నెల 20 వ‌ర‌కు అనంతబాబు రిమాండ్‌ను పొడిగిస్తున్న‌ట్లు కోర్టు సోమ‌వారం ప్ర‌క‌టించింది. అంతేకాకుండా అనంతబాబు బెయిల్ పిటిష‌న్‌పై నేడు విచారణ చేప‌ట్ట‌నున్న‌ట్లు ఎస్సీ,ఎస్టీ కోర్టు వెల్లడించింది. అయితే ఇప్పటికే.. సుబ్ర‌హ్మ‌ణ్యాన్ని తానే చంపిన‌ట్లు అనంతబాబు ఒప్పుకున్నారు.
దీంతో పోలీసులు ఆయ‌న‌ను అరెస్ట్ చేయ‌గా… ఆయ‌న‌ను జ్యూడీషియ‌ల్ రిమాండ్‌కు త‌ర‌లిస్తూ కోర్టు ఆదేశాలు జారీ చేసింది. ఆ రిమాండ్ గ‌డువు ముగియ‌డంతో సోమ‌వారం అనంతబాబును పోలీసులు కోర్టులో హాజ‌రు ప‌ర‌చ‌గా… ఈ నెల 20 వ‌ర‌కు ఆయ‌న‌కు రిమాండ్ పొడిగిస్తూ న్యాయ‌మూర్తి ఆదేశాలు జారీ చేశారు. దీంతో అనంతబాబును పోలీసులు రాజ‌మ‌హేంద్ర‌వ‌రం సెంట్ర‌ల్ జైలుకు త‌ర‌లించారు.