Food Facts: చిల్లు గారెలో చిల్లు ఎందుకు పెడతారో తెలుసా? దాని వెనక ఉన్న ఇంట్రెస్టింగ్ స్టోరీ ఇదే!
- Follow Us :
-
-
Add as a preferred
source on google
Food Facts: వేడి వేడి గారె.. కొబ్బరి చట్నీ లేదా సాంబార్తో తింటే ఆ రుచే వేరు. పండుగైనా, పెళ్లైనా, ఇంట్లో ప్రత్యేక సందర్భమైనా గారె తప్పనిసరిగా ఉండే వంటకం. కానీ మనం చిన్నప్పటి నుంచి చూస్తూ, తింటూ వస్తున్న గారె మధ్యలో ఉండే ఆ చిల్లు గురించి ఎప్పుడైనా ఆలోచించారా? అది కేవలం అందంగా కనిపించడానికి పెట్టిందే అనుకుంటే పొరపాటే. గారె రుచి, మెత్తదనం, సరిగ్గా ఉడికే విధానం, వంట చేసే సౌలభ్యం… ఇలా ఎన్నో కారణాలు ఆ చిన్న చిల్లు వెనక దాగి ఉన్నాయని మీకు తెలుసా.. ఈ స్పెషల్ స్టోరీలో ఆ చిల్లు ముచ్చట ఏందో తెలుసుకుందాం.
ఇదే అసలు ట్రిక్
మినప్పిండితో చేసే గారె కొంచెం మందంగా ఉంటుంది. అందుకే మధ్యలో చిల్లు పెడితే వేడి నూనె అన్ని వైపులా సమానంగా తగులుతుంది. దీంతో బయట మాత్రమే కాదు, లోపలి భాగం కూడా పూర్తిగా ఉడుకుతుంది. చిల్లు లేకుండా చేస్తే బయట కరకరలాడినా, లోపల మాత్రం పిండి ఉడకకుండా ఉండే అవకాశం ఉంటుంది. గారె ప్రత్యేకత బయట కరకరగా, లోపల మెత్తగా ఉండటమే. మధ్యలో చిల్లు ఉండటం వల్ల వేడి సమంగా ప్రసరించి గారె గట్టిపడకుండా ఉంటుంది. అందుకే హోటళ్లలో చేసే గారెలు కూడా ఈ పద్ధతిలోనే తయారవుతాయి. వేడి నూనెలో వేస్తే గారె ఎక్కువగా ఉబ్బిపోకుండా ఉండటానికి కూడా ఈ చిల్లు ఉపయోగపడుతుందని చెబుతున్నారు. దీంతో గారె గుండ్రంగా, మంచి ఆకారంలో వస్తుంది. రుచి కూడా మరింత బాగుంటుంది.
Also Read
- Homemade Rava: బయట కొనే రవ్వలో మైదా కల్తీ, పురుగుల భయమా? ఇంట్లోనే స్వచ్ఛమైన రవ్వ చేసుకోండిలా!
- Palak Paneer Pakoda Recipe: ఇంట్లోనే సింపుల్గా పాలక్ పనీర్ పకోడాలు.. తయారీ విధానం ఇదిగో!
- Protein Rich Foods: ఒంట్లో బలం అమాంతం పెంచే హై ప్రోటీన్ రొట్టె.. చాలా సింపుల్ ఇలా చేసుకోండి!
- Homemade Recipes: రొటీన్ పచ్చళ్లు బోర్ కొట్టాయా? ఈ పచ్చడి ట్రై చేయండి.. ఒక్క ముద్ద తిన్నా వదిలిపెట్టరు!
పూర్వం గరిటెలు, ప్రత్యేకమైన కిచెన్ టూల్స్ లేని రోజుల్లో గారె మధ్యలో ఉన్న చిల్లును ఉపయోగించి సులభంగా నూనెలో నుంచి తీసేవారని పెద్దలు చెబుతున్నారు. దీంతో వేడి నూనె చిమ్మే ప్రమాదం కూడా తగ్గేదని గుర్తు చేసుకుంటున్నారు. ఇప్పటికీ చాలామంది ఇదే పద్ధతిని పాటిస్తున్నారట. వంట నిపుణుల అభిప్రాయం ప్రకారం.. గారె మధ్యలో చిల్లు పెట్టడం వల్ల దాని ఉపరితల వైశాల్యం పెరిగి వేడి సమానంగా చేరుతుంది. దీంతో గారె బయట కరకరగా, లోపల మెత్తగా తయారవుతుంది. అందుకే తరతరాలుగా ఈ పద్ధతి కొనసాగుతోందని అంటున్నారు. ఒక్క చిన్న చిల్లు వెనక వంటింటి అనుభవం, శాస్త్రీయ కారణం, సంప్రదాయం ఎన్నీ ఉన్నాయో తెలుసుకున్నారా. ఇకపై గారె తినేటప్పుడు ఆ చిల్లును చూస్తే, దాని వెనక ఉన్న ఈ ఆసక్తికరమైన కారణం కూడా గుర్తుకొస్తుంది.
తాజావార్తలు
-
Amitabh Bachchan: ‘‘బుల్లెట్ ప్రూఫ్ కూడా కాపాడదు’’.. అమితాబ్ బచ్చన్కు గ్యాంగ్స్టర్ బెదిరింపులు..
-
Israel Hezbollah: ఓవైపు కొత్త ప్రభుత్వ ఏర్పాటుపై చర్యలు.. హిజ్బుల్లాపై ఇజ్రాయిల్ మెరుపుదాడి!
-
Surya Kumar Yadav: టీమ్లోకి మళ్లీ సూర్యకుమార్ యాదవ్..? బ్యాటింగ్లో మరోసారి విధ్వంసం..
-
Bollywood : ఒకవైపు రణ్వీర్ సింగ్, మరోవైపు రణ్బీర్ కపూర్.. స్టార్ పవరా? సీక్వెల్స్ క్రేజా?
-
Smart Phone Prices Hike: సెల్ఫోన్ లవర్స్కు బ్యాడ్న్యూస్.. ఈ రెండు కంపెనీల ఫోన్ల ధరలు భారీగా పెంపు..
ట్రెండింగ్
-
Gully Cricket: సచిన్ టెండూల్కర్తో గల్లీ క్రికెట్ ఆడిన ప్రిన్స్ విలియం, కేట్..!
-
Mohit Ulva: ఒంటిచేత్తో మ్యాచ్ను మలుపు తిప్పాడు.. ఎవరీ మోహిత్ ఉల్వా.. జడేజా కోచ్ దగ్గరే శిక్షణ!
-
ICC Chairman-Jay Shah: రెండోసారి ఐసీసీ చైర్మన్గా జై షా.. ఈసారి కూడా ఏకగ్రీవమే!
-
Vaibhav Sooryavanshi: సచిన్ టెండూల్కర్ అవుతాడో లేక వినోద్ కాంబ్లీ అవుతాడో చెప్పడం కష్టం..!
-
India Schedule: రోహిత్, కోహ్లీ మళ్లీ ఆడేది అప్పుడే.. టీమిండియా నెక్స్ట్ షెడ్యూల్ ఇదిగో..!