Minister Kakani Govardhan Reddy : చంద్రబాబు అల్జీమర్స్.. లోకేష్‌ పరిణితి చెందని పుత్రుడు

నెల్లూరు జిల్లా పొదలకూరు మండలంలోని విరువూరులో గడప గడపకు మన ప్రభుత్వం కార్యక్రమంలో మంత్రి కాకాణి. గోవర్ధన్ రెడ్డి పాల్గొన్నారు. ఈ సందర్భంగా ఆయన మాట్లాడుతూ.. టీడీపీ హయాంలో జనాలకు హమీలిచ్చి మోసం చేశారని, రాష్ట్ర ప్రజలని బాది వదిలిపెట్టి ఇప్పుడు మళ్లీ బాదుడే..బాదుడు అంటూ జనాల్లో తిరుగుతున్నారన ఆయన మండిపడ్డారు. వైసీపీ పాలన చూస్తుంటే చంద్రబాబుకు కాళ్ల కింద భూమి‌ కంపిస్తుందని, కేంద్రం పెట్రోలు, డీజిల్, గ్యాస్ ధరలను పెంచితే అడిగే దమ్ము, ధైర్యం చంద్రబాబుకు లేదు.. ఓటుకు నోటు కేసును భయటపెడతారని జైలులో పెడతారని భయం అంటూ ఆయన విమర్శించారు.

చంద్రబాబు అల్జీమర్స్ వ్యాధితో బాధపడుతున్నాడు.. లోకేష్‌ని చూస్తే పరిణితి చెందని పుత్రుడు.. పరిణితి లేని కొడుకు, మతిస్థిమితం లేని నాయకుడిని పక్కన పెట్టుకొని వాళ్లు చెప్పే మాటలను వింటే సీనియర్లకు పరువు, ప్రతిష్టలు పోయే పరిస్థితి ఉందంటూ ఆయన ఎద్దేవా చేశారు. ముఖ్యమంత్రి దావోస్‌కు వెళితే దాన్ని ఓర్చుకోలేని‌ మీరు లండన్ లో ల్యాండ్ అయ్యాడు.. ఇస్తాంబుల్ కి ఎందుకెళ్లాడు అని చెప్పడం ఎంత దుర్మార్గం, దారుణమని ఆయన మండిపడ్డారు.

2024 ఎన్నికల్లో మాత్రమే టీడీపీకి అభ్యర్ధులు దొరకుతారు.. తర్వాత పార్టీని బంగాళాఖాతంలో కలపాల్సిందేనని ఆయన విమర్శలు గుప్పించారు. మరో 30 ఏళ్లు ఆంధ్ర రాష్ట్రానికి జగన్ సీఎం అంటూ మంత్రి కాకాణి జోస్యం చెప్పారు. రాష్ట్ర మంత్రిగా ఉన్నా సర్వేపల్లి నియోజకవర్గ ప్రజలకు ఇంటి బిడ్డలా ఉంటానని ఆయన హామీ ఇచ్చారు.