పవన్ నర్సాపూర్ పర్యటన వాయిదా

జనసేన అధినేత పవన్ కల్యాణ్ పశ్చిమగోదావరి జిల్లా నరసాపూర్ పర్యటన వాయిదా పడింది. ప్రకృతి విపత్తుతో రాయలసీమ అతలాకుతలమైపోయిందని, నరసాపురం సభ వాయిదా వేస్తున్నట్టు జనసేన పార్టీ వెల్లడించింది. పశ్చిమ గోదావరి జిల్లా నరసాపురంలో ఈ నెల 21వ తేదీన జనసేన పార్టీ జిల్లా నాయకులు, శ్రేణులు నిర్వహించ తలపెట్టిన బహిరంగ సభ వాయిదాపడింది. ఈ సభలో జనసేన అధ్యక్షులు పవన్ కల్యాణ్ పాల్గొని ప్రసంగించాల్సి ఉంది. ప్రకృతి విపత్తుతో రాయలసీమ అతలాకుతలమైపోయి, ప్రాణ నష్టం, పంట నష్టం సంభవించిన తరుణంలో బహిరంగ సభ నిర్వహణ భావ్యం కాదని, కోస్తా జిల్లాల్లోనూ రైతాంగం తీవ్రంగా నష్టపోయిందని పవన్ కల్యాణ్ స్పష్టం చేశారు.

ఈ మేరకు సభను వాయిదా వేశారు. అదే రోజు ప్రపంచ మత్స్యకార దినోత్సవం. ఆ సభలో మత్స్యకారుల సమస్యలు, వారి జీవనోపాధికి కలుగుతున్న విఘాతాలను పవన్ కల్యాణ్ ప్రస్తావించాల్సి ఉంది. తన స్వంత జిల్లా నరసాపురంలో సభ ఎప్పుడు నిర్వహించేది త్వరలో తెలియచేస్తామని జనసేన వర్గాలు తెలిపాయి.