Leopard : బోనులో చిక్కిన మరో చిరుత

గురువారం తెల్లవారుజామున అలిప్రి కాలిబాటలోని లక్ష్మీ నరసింహస్వామి ఆలయం వద్ద అటవీశాఖ ఏర్పాటు చేసిన బోనులో మరో చిరుతపులి చిక్కింది. తిరుమల నడకదారి వద్ద బుధవారం రాత్రి మరో చిరుతపులి పట్టుబడింది. గత వారం చిరుతపులి దాడిలో ఆరేళ్ల బాలిక లక్షిత మృతి చెందిన తర్వాత పట్టుకున్న చిరుత ఇది రెండోది కాగా, 50 రోజుల్లో పట్టుకోవడం మూడోది. అటవీశాఖ అధికారులు బోను ఏర్పాటు చేయగా చిరుత బోనులో చిక్కుకుంది. అటవీశాఖ అధికారులు వాక్‌వేకు ఇరువైపులా కెమెరా ట్రాప్‌లు ఏర్పాటు చేశారు. ఈ కెమెరాల్లో చాలా వరకు చిరుతపులి కదలికలను గుర్తించారు.

Also Read : Asia Cup 2023: ఆసియా కప్‌ 2023కు భారత జట్టు ఇదే.. ఇద్దరు టీ20 స్టార్స్‌కు దక్కని చోటు!

బుధవారం అర్ధరాత్రి దాటిన తర్వాత లక్ష్మీనరసింహస్వామి ఆలయ సమీపంలోని బోనులో చిరుతపులి చిక్కుకుపోయినట్లు సిబ్బంది గుర్తించారు. మోకాలి మెట్టు వద్ద మరో ఉచ్చు బిగించారు. శేషాచలం అడవుల్లో 40కి పైగా చిరుతలు సంచరిస్తున్నట్లు అటవీశాఖ అధికారులు అంచనా వేశారు. వీటిలో దాదాపు పది చిరుతలు గుడికి వెళ్లే మెట్ల దగ్గరకు వస్తున్నాయి. చిన్నారిని టార్గెట్ చేయడంతో అటవీశాఖ అప్రమత్తమైంది. మెట్ల దారికి ఇరువైపులా కెమెరా ట్రాప్‌లు ఏర్పాటు చేశారు. చిరుతపులి కదలికలను గుర్తించేందుకు దాదాపు 500 కెమెరాలను వినియోగించారు. మెట్ల దారికి సమీపంలో అదే ప్రాంతంలో చిరుతల సంచారం ఉండటంతో వాటిని బంధించేందుకు బోనులను ఏర్పాటు చేశారు. 35వ మలుపులో ఏర్పాటు చేసిన బోనులో చిరుత చిక్కుకుపోయి ఉంటుందని అటవీశాఖ అధికారులు అంచనా వేస్తున్నారు.

Also Read : Delhi: నెహ్రూ మ్యూజియం పేరు మార్పు..