Chandrababu Naidu: మహానాడు నిర్వహణపై చంద్రబాబు సమీక్ష

తెలుగుదేశం పార్టీ పండుగ మహానాడు నిర్వహణపై కమిటీలతో టీడీపీ అధినేత చంద్రబాబు సమీక్ష చేపట్టారు. ఒంగోలు సమీపంలోని మండవారి పాలెంలోనే మహానాడు నిర్వహణకు నిర్ణయం తీసుకున్నామన్నారు. ఒంగోలు నగర సమీపంలోని మండవారి పాలెంలో 27,28 తేదీల్లో మహానాడు జరగనుంది. సమయం తక్కువగా వుండడంతో పనులు వేగవంతం చేయాలన్నారు చంద్రబాబు.

మొదటి రోజు ప్రతినిధుల సభ, రెండో రోజు బహిరంగ సభ వుంటుందన్నారు. మహానాడు నిర్వహణకు ఒంగోలు మినీ స్టేడియం ఇవ్వాలని కోరారు టీడీపీ నేతలు. అయితే, స్టేడియం ఇచ్చేందుకు ప్రభుత్వం నిరాకరించింది. అవసరమైన ఫీజు చెల్లించినా, ముందుగానే సంప్రదించినా స్టేడియం ఇవ్వడం కుదరదన్నారు ప్రభుత్వ అధికారులు. మీటింగ్ కు స్టేడియం ఇవ్వకపోవడం పై టీడీపీ మండిపడింది. ఇతర ప్రతిపాదనలు అన్నీ పక్కన పెట్టి త్రోవగుంటలోనే మహానాడు నిర్వహణకు నిర్ణయం తీసుకుంది. నూతనత్వంతో, భావజాలం చాటేలా మహానాడు నిర్వహించాలని టీడీపీ అధినేత చంద్రబాబు సూచించారు. రాష్ట్రంలో ప్రస్తుత పరిస్థితులు, రాష్ట్ర భవిష్యత్తుకు టీడీపీ అవసరాన్ని చాటేలా మహానాడు ఉండాలని చంద్రబాబు సూచనలు చేశారు.

Prathipati Pullarao: అసని తుఫాన్ బాధితుల్ని ఆదుకోవాలి