Bhogi: తెలుగు రాష్ట్రాల్లో భోగి సంబరాలు.. ఇంటింటా భోగి మంటలు

Bhogi: తెలుగు రాష్ట్రాల్లో సంక్రాంతి సంబరాలు మొదలయ్యాయి. తెలుగు లోగిళ్లలో కొత్త సందడి నెలకొంది. గ్రామాలన్నీ పండుగ సందడితో కళకళలాడుతున్నాయి. పల్లె, పట్నం అనే తేడా లేకుండా తెలుగు రాష్ట్రాల్లో బోగి మంటలు మండుతున్నాయి. భోగి మంటలు ఆడుతూ చిన్నాపెద్దా సంబరాలు జరుపుకుంటున్నారు. తెలుగు ప్రజల అతి పెద్ద పండుగలలో సంక్రాంతి ఒకటి. నాలుగు రోజుల పాటు జరిగే ఈ పండుగలో మొదటి రోజు భోగి ప్రత్యేకత. ఆనందాలను పంచే తెలుగులో భోగి అంటే చల్లటి మంట మాత్రమే కాదు. ప్రతి సంవత్సరం సూర్యుడు మకర రాశిలోకి ప్రవేశించే ముందు రోజున భోగి పండుగను జరుపుకుంటారు. చలికి టాటా చెప్పేది. ఈ మంటల్లో పాత పాత వస్తువులు, విరిగిన మంచాలు, కుర్చీలు, ఉపయోగించని వస్తువులు విసిరివేయబడతాయి. కాబట్టి.. ఇంట్లో దారిద్ర్యం వదిలిపోతుందని నమ్ముతారు. భోగి నుంచి ఇళ్లలో పండుగ కళ వస్తుంది. తెలుగు లోగిళ్లు కొత్త రూపాన్ని పొందుతాయి. బంధు మిత్రులతో తెలుగు పల్లెల్లో పండగ వాతావరణం నెలకొంది. ఇళ్ల ముందు రంగు రంగుల ముగ్గులు, వరండాల్లో మామిడి తోరణాలు, చిన్నారుల తలపై రేగు పళ్లు, ఆకాశాన్ని రంగులమయం చేసే గాలిపటాలు.

Read also: Top Headlines @9AM: టాప్ న్యూస్

తెలంగాణలో సంక్రాంతి సంబరాలు ఘనంగా జరుగుతున్నాయి. వరంగల్ జిల్లా పర్వతగిరిలో జరిగిన భోగి వేడుకల్లో మంత్రి ఎర్రబెల్లి దయాకర్ పాల్గొన్నారు. ఇంట్లో కుటుంబ సభ్యులతో కలసి భోగి మంటలు ఆడారు. ప్రజలకు అన్ని విధాలా మంచి జరగాలని కోరారు. హైదరాబాద్ కేబీఆర్ పార్క్ దగ్గర భోగి వేడుకలు ఘనంగా జరిగాయి. ఎమ్మెల్సీ కవిత సంబురాల్లో పాల్గొని భోగి మంటలు వేశారు. వేడుకల్లో భాగంగా బసవన్న విన్యాసాలు ఆకట్టుకున్నాయి. హైదరాబాద్‌లో భోగి వేడుకలు అంగరంగ వైభవంగా జరుగుతున్నాయి. భోగి మంటల చుట్టూ యువతులు ఉత్సాహంగా నృత్యాలు చేశారు. డూడూ బసవన్నల విన్యాసాలు, కోలాటాలు మారుమోగాయి. వరంగల్ జిల్లాలో భోగి వేడుకలు ఘనంగా జరిగాయి. మంటల చుట్టూ, DJ పాటలు ప్లే చేస్తూ చప్పట్లు కొడుతోంది. కుటుంబ సమేతంగా సంప్రదాయ దుస్తుల్లో సంబరాలు జరుపుకుంటున్నారు.

Read also: Kamareddy Crime: పండగపూట విషాదం.. తల్లిని చిత్రహింసలు పెట్టి చంపిన కొడుకు

విజయవాడలో భోగి వేడుకలు ప్రారంభమయ్యాయి. నగరవాసులు భోగి మంటలు వెలిగించారు. మాజీ మంత్రి వెల్లంపల్లి శ్రీనివాస్ ఇంటి దగ్గర భోగి సందడి వినిపించింది. వెల్లంపల్లి భోగి వేడుకల్లో పాల్గొన్నారు. హరిదాసులు, గంగిరెడ్డలు సందడి చేస్తున్నారు. నిప్పు కణికలు.. నిప్పులు కురిపిస్తున్న జ్వాలలు.. చీకట్లను చీల్చే ఆ వెలుగులు చైతన్యాలు.. వణుకుతున్న చలికి పారిపోవడానికి మంచు తెరలు వదులుతున్నట్లుగా. కొత్తదానికి స్వాగతం తెలుపుతూ సంక్రాంతి వేడుకల్లో భాగంగా.. తెలుగు లోగిళ్లు భోగితో ప్రారంభమయ్యాయి. కోనసీమలోనూ సంక్రాంతి సందడి మొదలైంది. భోగి మంటల చుట్టూ తిరుగుతూ ప్రజలు ఆనందించారు. రావులపాలెం, కొత్తపేట, రాజోలు, అమలాపురం, పి గన్నవరం, అల్లవరం ప్రాంతాలు భోగితో కళకళలాడుతున్నాయి. ముహూర్తం ప్రకారం భోగి మంటలు వేసి పండుగ జరుపుకుంటారు.

Read also: Bhogi Panduga Bhakthi Tv Live: భోగిపండుగ నాడు ఈ స్తోత్రాలు వింటే..

కోనసీమ, నెల్లూరు జిల్లాల్లో సంక్రాంతి సంబరాలు మొదలయ్యాయి. రావులపాలెం, కొత్తపేట, అమలాపురంలో భోగి మంటలు వేశారు. ఓ వైపు మంచు తెరలు, మరో వైపు భోగి మంటలు ఆహ్లాదకరమైన వాతావరణాన్ని సంతరించుకున్నాయి. తిరుపతి జిల్లా నారావారిపల్లెలో భోగి వేడుకలు ఘనంగా జరిగాయి. టీడీపీ అధినేత చంద్రబాబు కుటుంబ సభ్యులతో కలిసి సినీనటుడు బాలయ్య భోగి మంటలు వేశారు.
తిరుపతి జిల్లా రంగంపేటలో నటుడు మోహన్‌బాబు కుటుంబ సమేతంగా భోగి సంబరాలు చేసుకున్నారు. అందరూ సుఖ సంతోషాలతో ఉండాలని భోగి శుభాకాంక్షలు తెలిపారు. ప్రతి ఏటా గ్రామంలో సంక్రాంతి సంబరాలు నిర్వహిస్తున్నట్లు తెలిపారు.