కేంద్ర ఆరోగ్య శాఖ మంత్రి, బీజేపీ సీనియర్ నేత జేపీ నడ్డా.. రాజ్యసభ సభా నాయకుడిగా నియమితులయ్యారు. జేపీ నడ్డాను రాజ్యసభలో సభాపక్ష నేతగా చేయాలని బీజేపీ నిర్ణయించింది. ఇంతకుముందు.. కేంద్ర మంత్రి పీయూష్ గోయల్ సభలో ఈ బాధ్యతను నిర్వహించేవారు.. అయితే అతను నార్త్ ముంబై లోక్సభ స్థానం నుండి ఎంపీగా ఎన్నికైన తరువాత, అతను రాజ్యసభ సభ్యత్వానికి రాజీనామా చేశారు. ఈ క్రమంలో.. ఈ బాధ్యతను జేపీ నడ్డాకు అప్పగించారు. ఈ నెల ప్రారంభంలో.. జేపీ నడ్డా కేంద్ర ఆరోగ్య మంత్రిత్వ శాఖ బాధ్యతలను స్వీకరించారు. అంతేకాకుండా.. రసాయనాలు మరియు ఎరువుల మంత్రిత్వ శాఖ కూడా కేటాయించారు.
Sapthami Gowda : నేను తప్పు చేశా.. నేను మధ్యలోకి రాను..సప్తమి గౌడ ఎమోషనల్ ఆడియో వైరల్!
ఇదిలా ఉంటే.. త్వరలో బీజేపీ జాతీయ అధ్యక్ష పదవి నుంచి జేపీ నడ్డా రిలీవ్ అయ్యే అవకాశ ఉంది. ఈ క్రమంలో.. తర్వాత పార్టీ జాతీయ అధ్యక్షుడు కోసం అన్వేషణ ముమ్మరం చేసింది. కాగా.. మరికొన్ని రోజుల్లో బీజేపీ కొత్త అధ్యక్షుడిని ప్రకటించనుంది. పార్టీ చట్టాల ప్రకారం.. అన్ని రాష్ట్రాలలో 50 శాతం సంస్థ ఎన్నికలు పూర్తయిన తర్వాత మాత్రమే జాతీయ అధ్యక్షుడిని ఎన్నుకుంటారు.
నడ్డా రాజకీయ జీవితం 1975లో జేపీ (JP) ఉద్యమం ద్వారా.. ఓ కార్యకర్తగా వెలుగులోకి వచ్చారు. ఆ తరువాత.. అతను అఖిల భారతీయ విద్యార్థి పరిషత్ (ABVP) లో చేరాడు. పాట్నా విశ్వవిద్యాలయంలో విద్యార్థి సెంట్రల్ అసోసియేషన్ ఎన్నికలలో పోటీ చేశారు. 1977లో కార్యదర్శిగా నియమితులయ్యారు. జేపీ నడ్డా.. 1977-1979 మధ్య రాంచీలో విద్యార్థి రాజకీయాల్లో చురుకుగా పాల్గొన్నారు. 2012లో తొలిసారిగా హిమాచల్ ప్రదేశ్ నుంచి రాజ్యసభకు ఎన్నికైన ఆయన.. 2014లో బీజేపీ పార్లమెంటరీ బోర్డులో సభ్యుడయ్యారు. అంతకుముందు.. హిమాచల్ ప్రదేశ్లోని బిలాస్పూర్ అసెంబ్లీకి 1993-2007 వరకు మూడుసార్లు ఎమ్మెల్యేగా కూడా పనిచేశారు.