రణరంగంగా మారిన ఫరూఖాబాద్‌ జైలు

ఉత్తరప్రదేశ్‌లోని ఫరూఖాబాద్‌ జైలు రణరంగంగా మారింది. తోటి ఖైదీ మరణించిన వార్త విన్న ఖైదీలు ఆవేశంతో జైలు సిబ్బందిపై దాడికి దిగి జైలుకు నిప్పుపెట్టారు. అంతేకాకుండా జైలర్‌ను నిర్బంధించినట్లు తెలుస్తోంది. వివరాల్లోకి వెళితే.. సందీప్‌ అనే వ్యక్తి ఓ హత్య కేసులో నిందితుడిగా జైలులో ఉన్నాడు. ఈ మధ్య సందీప్‌ డెంగీ బారినపడి తీవ్ర అనారోగ్యానికి గురయ్యాడు. దీంతో సైఫాయి ఆసుపత్రికి వైద్యులు రిఫర్‌ చేశారు.

ఈనేపథ్యంలో సైఫాయి ఆసుపత్రిలో చికిత్స పొందుతూ సందీప్‌ మరణించారు. ఈ వార్త జైల్లో ఉన్న మిగితా ఖైదీలకు తెలియగానే జైలు వింధ్వంసం సృష్టించారు. పోలీసులపై దాడికి పాల్పడ్డారు. ఈ వ్యవహారంపై సమాచారం అందడంతో జైలుకు చేరుకున్న ఆధికారులను ఖైదీలు జైలు గేటు నిలిపివేశారు. అనంతరం పోలీసులు చర్చించి పరిస్థితిని అదుపులోకి తీసుకువచ్చారు.