Inter Results : ఎల్లుండి ఇంటర్ ఫలితాలు.. ఇలా చెక్ చేసుకోండి..!

తెలంగాణ ఇంటర్మీడియట్ ఫలితాల విడుదలపై నెలకొన్న ఉత్కంఠకు తెరపడనుంది. తాజాగా అందుతున్న సమాచారం ప్రకారం, రాష్ట్ర విద్యాశాఖ ఏప్రిల్ 12న (ఆదివారం) ఫలితాలను వెల్లడించేందుకు రంగం సిద్ధం చేసినప్పటికీ, పలు జాతీయ స్థాయి నివేదికల ప్రకారం ఒక రోజు ముందే అంటే ఏప్రిల్ 11న శనివారం కూడా ఫలితాలు వచ్చే అవకాశం ఉందనే చర్చ జరుగుతోంది. ఈ ఏడాది ఫిబ్రవరి 26 నుంచి మార్చి 18 వరకు జరిగిన వార్షిక పరీక్షలకు రాష్ట్రవ్యాప్తంగా సుమారు 9.9 లక్షల మంది విద్యార్థులు హాజరయ్యారు. ప్రథమ , ద్వితీయ సంవత్సరాల ఫలితాలను ఒకేసారి విడుదల చేసేందుకు బోర్డు అన్ని కసరత్తులు పూర్తి చేసింది. విద్యార్థులు తమ ఫలితాలను విడుదలైన వెంటనే అధికారిక వెబ్‌సైట్లయిన tgbie.cgg.gov.in లేదా results.cgg.gov.in లలో హాల్ టికెట్ నంబర్‌ను నమోదు చేసి మార్కుల మెమోను డౌన్‌లోడ్ చేసుకోవచ్చు.

 Jeevan Reddy : కేసీఆర్‌ను కలిసిన జీవన్‌ రెడ్డి..

గత కొన్నేళ్లుగా ఫలితాల ప్రక్రియను బోర్డు మరింత వేగవంతం చేస్తోంది. పేపర్ వాల్యుయేషన్ ముగిసిన వెంటనే సాంకేతిక పరమైన మార్కుల క్రోడీకరణ ప్రక్రియను పకడ్బందీగా పూర్తి చేయడంతో, నిర్ణీత గడువు కంటే ముందే ఫలితాలు వెలువడనున్నాయి. ముఖ్యంగా ఆదివారం ఫలితాలు విడుదల చేయడం వల్ల విద్యార్థులు, తల్లిదండ్రులు సెలవు దినం రోజున ఒత్తిడి లేకుండా ఫలితాలు చూసుకునే అవకాశం ఉంటుందని అధికారులు భావిస్తున్నారు. ఈ రిజల్ట్స్ ఆధారంగానే విద్యార్థులు ఎంసెట్, నీట్ వంటి జాతీయ స్థాయి పోటీ పరీక్షలతో పాటు ఉన్నత చదువులకు సిద్ధం కానున్నారు. ఫలితాల అనంతరం మార్కులతో సంతృప్తి చెందని విద్యార్థుల కోసం రీ-కౌంటింగ్ , రీ-వెరిఫికేషన్ ప్రక్రియలు కూడా అందుబాటులో ఉంటాయి. అపజయానికి లోనైన విద్యార్థుల కోసం త్వరలోనే అడ్వాన్స్‌డ్ సప్లిమెంటరీ పరీక్షల షెడ్యూల్‌ను కూడా బోర్డు ప్రకటించనుంది.

Samsung Smartphones: మళ్లీ ధరలు పెంచిన శాంసంగ్‌.. ఏ ఫోన్ ఎంత ధర పెరిగిందంటే..