Samsung Smartphones: మళ్లీ ధరలు పెంచిన శాంసంగ్‌.. ఏ ఫోన్ ఎంత ధర పెరిగిందంటే..

భారత మార్కెట్లో శాంసంగ్ తన పాపులర్ గెలాక్సీ A మరియు F సిరీస్ స్మార్ట్‌ఫోన్ల ధరలను పెంచుతున్నట్లు సమాచారం. ప్రముఖ టిప్‌స్టర్ అభిషేక్ యాదవ్ లీక్ చేసిన సమాచారం ప్రకారం.. ఈ పెరిగిన ధరలు ఏప్రిల్ 10, 2026 నుంచి అమలులోకి రానున్నాయి. ముఖ్యంగా బడ్జెట్ , మిడ్-రేంజ్ విభాగాల్లోని గెలాక్సీ A06, A07, A17, A36, A56 , F17 మోడల్స్‌పై ఈ ప్రభావం ఉండనుంది.

మోడల్ వారీగా పెరగనున్న ధరల వివరాలు..
గెలాక్సీ A06 అండ్ A07: బడ్జెట్ ఫోన్ అయిన గెలాక్సీ A06 ధర సుమారు రూ.1,000 పెరిగి రూ.13,499కి చేరుకోవచ్చు. అలాగే గెలాక్సీ A07 ధర రూ.1,250 వరకు పెరిగి రూ.10,999 అయ్యే అవకాశం ఉంది.

గెలాక్సీ A17: ఈ మిడ్-రేంజ్ ఫోన్ ధర రూ.1,000 నుంచి రూ.1,500 వరకు పెరగవచ్చు. దీని టాప్ వేరియంట్ ధర గరిష్టంగా రూ.27,999 వరకు ఉండే ఛాన్స్ ఉంది.

గెలాక్సీ A36: ఈ మోడల్‌పై భారీగా రూ.1,500 నుంచి రూ.3,000 వరకు ధర పెరగవచ్చని లీక్డ్ రిపోర్ట్స్ చెబుతున్నాయి. దీనితో కాన్ఫిగరేషన్‌ను బట్టి ధర రూ.43,499 వరకు వెళ్లవచ్చు.

Also Read:Rohit Sharma 15 Years: 15 ఏళ్ల మైలురాయి, ఎన్నో రికార్డులు.. ముంబై ఇండియన్స్‌కు రోహిత్ శర్మ అమూల్య సేవలు!

గెలాక్సీ A56: శాంసంగ్ మిడ్-రేంజ్ లైనప్‌లో కీలకమైన ఈ ఫోన్ ధరపై అత్యధికంగా రూ.2,000 నుంచి రూ.3,500 వరకు పెరుగుదల ఉండవచ్చు. దీనివల్ల హై-ఎండ్ వేరియంట్ ధర రూ.52,499కి చేరుకోవచ్చు. గెలాక్సీ F17.. దీనిపై అన్ని వేరియంట్లకూ కలిపి ఫ్లాట్‌గా రూ.1,000 ధర పెరిగే అవకాశం ఉంది.

తయారీ ఖర్చులు, మార్కెట్ పరిస్థితుల దృష్ట్యా శాంసంగ్ ఈ నిర్ణయం తీసుకున్నట్లు తెలుస్తోంది. అయితే కంపెనీ నుంచి ఇంకా అధికారిక ప్రకటన వెలువడాల్సి ఉంది. కొత్త మోడల్స్ గెలాక్సీ A37 , A57 మార్కెట్లోకి వస్తున్న తరుణంలో ఈ పాత మోడల్స్ ధరల పెరుగుదల వినియోగదారులపై ప్రభావం చూపే అవకాశం ఉంది.