CPM: సీపీఎం తెలంగాణ రాష్ట్ర కార్యదర్శిగా జాన్ వెస్లీ..

భారత కమ్యూనిస్టు పార్టీ మార్క్సిస్టు తెలంగాణ రాష్ట్ర కార్యదర్శిగా జాన్‌ వెస్లీని ఎన్నుకున్నారు. సంగారెడ్డిలో జరిగిన రాష్ట్ర మహా సభల్లో ఆయన పేరును అధికారికంగా ప్రకటించారు. ప్రస్తుతం జాన్ వెస్లీ కేవీపీఎస్ రాష్ట్ర అధ్యక్షుడిగా ఉన్నారు. అలాగే కొన్ని కీలక నిర్ణయాలు కూడా తీసుకున్నారు. 70 ఏళ్లు దాటిన నేతలకు సీపీఎం రాష్ట్ర కమిటీ నుంచి ఉద్వాసన కల్పించాలని నిర్ణయించారు. దీంతో రాష్ట్ర కమిటీ నుంచి తమ్మినేని వీరభద్రం, మాజీ ఎమ్మెల్సీ సీతారాములు, నర్సింగరావు కమిటికి దూరమయ్యారు.

Read Also: Thandel: ‘తండేల్’లో చైతన్యది కెరీర్ బెస్ట్ పెర్ఫార్మెన్స్: అల్లు అరవింద్

కాగా.. తెలంగాణ రాష్ట్ర ఏర్పాటు నుంచి సీపీఎం పార్టీకి నాయకత్వం వహించిన మాజీ ఎంపీ తమ్మినేని వీరభద్రం రిలీవ్ అయ్యారు. దాదాపు మూడుసార్లు రాష్ట్ర కార్యదర్శిగా తమ్మినేని వీరభద్రం పదవి బాధ్యతలు చేపట్టారు. అయితే.. ఈసారి బడుగు బలహీనవర్గాలకు అవకాశం ఇవ్వాలనే లక్ష్యంతో జాన్ వెస్లీని రాష్ట్ర కార్యదర్శిగా ఎన్నుకున్నారు. ఈనెల 25న బహిరంగ ప్రదర్శనతో మహాసభలు ప్రారంభం కాగా… ఈ సభల్లో రాష్ట్ర ప్రముఖులతో పాటు జాతీయ నేతలు పాల్గొన్నారు. మరోవైపు.. సీపీఐఎం నూతన రాష్ట్ర కార్యదర్శిగా మాజీ ఎమ్మెల్యే జూలకంటి రంగారెడ్డి ఎన్నికవుతారని అనుకున్నారు. ఆయనతో పాటు సీఐటీయూ నేత ఎస్. వీరయ్యకు పదవి దక్కుతుందని వార్తలు వచ్చాయి. ఈ ఇద్దరికీ కాకుండా.. జాన్‌వెస్లీకి బాధ్యతలు ఇచ్చారు.

Read Also: Infinix Smart 9 HD: ఇన్‌ఫినిక్స్‌ నుంచి మరో కొత్త ఫోన్.. రూ.6,699 మాత్రమే!