Pamela Satpathy: పాట పాడిన కలెక్టర్.. మీరు కూడా ఫిదానే..!

Pamela Satpathy: అంతర్జాతీయ బాలికల దినోత్సవం సందర్భంగా కరీంనగర్ కలెక్టర్ పమేలా సత్పతి చేసిన ప్రత్యేక ప్రయత్నం మహిళలలో, సామాజిక వర్గాల్లో చర్చలకు దారితీస్తోంది. భ్రూణ హత్యలు, బాలికల విద్య, సాధికారతలపై అవగాహన పెంచే ఉద్దేశ్యంతో ఆమె ఒక ప్రత్యేక పాట ఆలపించారు.

ఆ పాట పేరు ‘ఓ చిన్ని పిచ్చుక, చిన్నారి పిచ్చుక’, దీన్ని హిందీ రచయిత స్వానంద్ కిర్కిరే రాసినది. తెలుగు అనువాదం నంది శ్రీనివాస్ చేసి, కలెక్టర్ సత్పతి స్వయంగా ఆలపించారు. ఈ సాంగ్ ప్రస్తుతం సోషల్ మీడియాలో విపరీతంగా ట్రెండ్ అవుతోంది. సామాజిక విశ్లేషకులు, న్యాయవేత్తలు ఈ ప్రయత్నం బాలికల విషయంలో సానుకూల మార్పులకు దోహదపడే అవకాశం కలిగిందని వ్యాఖ్యానిస్తున్నారు.

నిత్యం జిల్లా పాలనా వ్యవహారాల్లో నిమగ్నంగా ఉన్న కలెక్టర్ పాట పాడటం చూసి స్థానిక ప్రజలు, తోటి ఉద్యోగులు ఆశ్చర్యంలో ఉన్నాయి. సోషల్ మీడియా నెటిజన్లు కూడా ‘మా కలెక్టర్ మల్టీటాలెంటెడ్’ అని స్పందిస్తూ, ఆమె ప్రయత్నానికి ప్రశంసలు కురిపిస్తున్నారు. ఈ కార్యక్రమం ద్వారా సమాజంలో బాలికల సాధికారత, అవగాహన పెంపుకు పునరుత్తేజం వస్తుందని విశ్లేషకులు భావిస్తున్నారు.