MLC Jeevan Reddy: ఉద్యోగ నియామకాల భర్తీ ప్రక్రియలో గవర్నర్ చొరవ చూపాలి..!

MLC Jeevan Reddy: గవర్నర్ చొరవ చూపీ, ఉద్యోగ నియామకాల భర్తీ ప్రకియకు మార్గం సుగమం చేయాలని గవర్నర్ తమిళిసై కి ఎమ్మెల్సీ జీవన్ రెడ్డి విజ్ఞప్తి చేసారు. జగిత్యాల జిల్లా కేంద్రంలోని ఇందిరా భవన్ లో పీఆర్టీ టీఎస్ నూతన సంవత్సర క్యాలెండర్ ను ఉపాధ్యాయ సంఘ నాయకులుతో కలిసి జీవన్ రెడ్డి ఆవిష్కరించారు. గత ప్రభుత్వ పాలనలో ప్రభుత్వ పాఠశాలల్లో మౌలిక వసతుల కల్పనలో ప్రభుత్వ నిర్లక్ష్యమే విద్యార్థుల సంఖ్య తగ్గుదలకి కారణమన్నారు. కేజీ టు పీ జీ ఉచిత విద్య ప్రకటనలకే పరిమితం చేశారని మండిపడ్డారు. ప్రభుత్వ పాఠశాలలు బలోపేతం చేయాల్సి ఉండగా.. క్రమబద్ధీకరణ నెపంతో పాఠశాలలు మూసివేశారని ఆగ్రహం వ్యక్తం చేశారు. నిరుపేదలకు విద్యను దూరం చేశారని, ఓపీఎస్ విధానం అమలుకి విధాన పరమైన నిర్ణయం చేపడుతామన్నారు. 317 జోనల్ విధానం అమలుతో ఉద్యోగులు తీవ్ర ఇబ్బందులు పడుతున్నారని అన్నారు. జోనల్ విధానాన్ని సమీక్షించి, ఉమ్మడి జిల్లాలప్రాతిపదికన జోన్ గా ఏర్పాటు చేసేలా కృషి చేస్తామన్నారు.

Read also: KTR: సిట్టింగ్ లను మార్చి ఉంటె బాగుండేది..! కేటీఆర్‌ సంచలన వ్యాఖ్యలు

శాసన మండలిలో జోనల్ విధానం పై సమీక్షించాలన్నారు. పాఠశాలలో స్కావెంజర్ ను తొలగించడంతో ఉపాద్యాయులు ఇబ్బందులు పడుతున్నారని అన్నారు. కేరళ రాష్ట్రంలో మాదిరిగా ముందస్తుగా నియామక ప్రక్రియ చేపట్టాలని ప్రభుత్వం దృష్టి కి తీసుకెళ్తానని తెలిపారు. నియామకాలలోలేని టెట్ ను పదోన్నతుల్లో ప్రవేశపెట్టడం సరికాదన్నారు. ఉపాధ్యాయుల ప్రతినిధిగా సమస్యల పరిష్కారం కోసం సీఎం దృష్టికి తీసుకెళ్తాని హామీ ఇచ్చారు. గవర్నర్ టీఎస్పీఎస్ సభ్యుల రాజీనామా ఆమోదించడం జాప్యం తో నిరుద్యోగులు ఆందోళన చెందుతున్నారని అన్నారు. గవర్నర్ చొరవ చూపీ, ఉద్యోగ నియామకాల భర్తీ ప్రకియకు మార్గం సుగమం చేయాలని జీవన్ రెడ్డి గవర్నర్ కు విజ్ఞప్తి చేశారు. సమస్యలను లేవనేత్తడంతో పాటు సీఎం రేవంత్ రెడ్డి దృష్టికి తీసుకెళ్ళి పరిష్కరించేందుకు కృషి చేసే బాధ్యత తీసుకుంటా అని తెలిపారు.
Lok Sabha Elections : ఇండియా కూటమితో వెళ్లలా.. వద్దా.. తేల్చి చెప్పనున్న బీఎస్పీ అధినేత్రి మాయావతి