Chakwadi Nala Break: గోషామహల్‌లో మరోసారి కుంగిన చాక్వాడి నాలా..

Chakwadi Nala Break: హైదరాబాద్ మహా నగరంలోని గోషామహాల్ పరిధిలోని చాక్వాడి వద్ద మరోసారి నాలా రోడ్డు కుంగిపోయింది. ఈ నాలా ఇప్పటికే నాలుగు సార్లు కుంగిపోగా.. మంగళవారం రాత్రి మరోసారి కుంగింది. దారుసలం వైపు ప్రధాన రహదారిపై రోడ్డు కుంగిపోవడంతో.. అందులో ఓ కారు, ఆటో, ట్రాక్టర్ చిక్కుకున్నాయి. ఈ ఘటనలో ఎవరికి ఎలాంటి గాయాలు కాకపోవడంతో ప్రజలు ఊపిరి పీల్చుకున్నారు. పలుమార్లు నాలా రోడ్డు కుంగుతుందని స్థానికులు జీహెచ్ఎంసీ అధికారులకు మొరపెట్టుకున్న కూడా పట్టించుకోవడం లేదు. నాలాకు సంబంధించిన రోడ్డును పూర్తి స్థాయిలో నిర్మించాలని స్థానికుల నుంచి డిమాండ్ వస్తున్నప్పటికీ.. అధికారులు తాత్కాలిక మరమ్మత్తులు చేయించడం వల్ల ఈ ప్రమాదం చోటు చేసుకుంది.

Read Also: Stampede in Mahakumbh Live Up Dates : మహా కుంభమేళాలో తొక్కిసలాట.. లైవ్ అప్ డేట్స్

అయితే, తమ సమస్యను త్వరితగతిన వెంటనే పరిష్కరించాలని ప్రభుత్వాన్ని స్థానిక ప్రజలు కోరారు. ఇలా నాలా కుంగడం వల్ల ప్రాణ నష్టం జరిగితే.. ఎవరు బాధ్యత వహిస్తారని నిలదీస్తూ పలు ప్రశ్నలను ప్రభుత్వానికి సంధించారు స్థానికులు. ఈ నాలా వరుసగా కుంగడం కారణంగా నిత్యం తీవ్ర ఇబ్బందులు ఎదుర్కొంటున్నామని చెప్పుకొచ్చారు. ఇక, అంతకుముందు కూడా చాక్వాడి నాలా కుంగిపోవడంతో.. నాలాపై ఉన్న క్రషర్‌ లారీ అందులో కూరుకుపోగా.. డ్రైవర్ ప్రాణాలతో బయటపడ్డాడు.