Hyderabad to Goa: గోవా వెళ్లే వారికి గుడ్ న్యూస్.. వారానికి రెండు రోజులు కొత్త ఎక్స్‌ప్రెస్ రైలు..

Hyderabad to Goa: హైదరాబాద్ నుంచి గోవా వెళ్లే వారికి రైల్వే శాఖ శుభవార్త చెప్పింది. సికింద్రాబాద్ నుంచి గోవాకు నేరుగా రైలు నడపడానికి సిద్ధమైంది. ఈ క్రమంలో సికింద్రాబాద్ – వాస్కోడిగామా (గోవా) మధ్య కొత్త ఎక్స్ ప్రెస్ రైలు (17039/17040) ప్రతిపాదనకు రైల్వే శాఖ ఆమోద ముద్ర వేసింది. ఈ విషయాన్ని కేంద్ర మంత్రి కిషన్ రెడ్డి ఎక్స్ సందర్భంగా వెల్లడించారు.ఈ కొత్త రైలు సర్వీసుకు రైల్వే శాఖ ఆమోదం తెలిపిన కాపీని కూడా షేర్ చేశారు. అయితే ఈ రైలు వారానికి రెండు రోజులు నడుస్తుంది.

ఈ రైలు బుధ, శుక్రవారాల్లో సికింద్రాబాద్‌ నుంచి బయలుదేరగా, తిరుగు ప్రయాణంలో ఈ రైలు గురు, శనివారాల్లో గోవా నుంచి బయలుదేరుతుంది. ఈ రైలుకు కాచిగూడ, షాద్‌నగర్, జడ్చర్ల, మహబూబ్‌నగర్, గద్వాల్, కర్నూలు సిటీ, డోన్, గుంతకల్, బళ్లారి, హోస్పేట, కొప్పల్, గడగ్, హుబ్బల్లి, ధార్వాడ్, లోండా, క్యాజిల్ రాక్, కుళెం, సాన్‌వోర్డెం, మడ్‌గావ్ జంక్షన్‌లలో స్టాప్‌లు ఉన్నాయి. అలాగే, ఈ రైలు ప్రధాన స్టేషన్‌లకు చేరుకునే మరియు బయలుదేరే సమయాలను కూడా రైల్వే శాఖ వెల్లడించింది.

Read also: Eggs Freezing : ట్రెండ్ గా మారుతున్న ” ఎగ్ ఫ్రీజింగ్ “.. అసలేంటి ఈ విధానం..

రైలు 17039 సికింద్రాబాద్ (బుధ & శుక్ర) నుండి ఉదయం 10.30 గంటలకు బయలుదేరి మధ్యాహ్నం 3.20 గంటలకు డోన్‌కు చేరుకుంటుంది. ఇది డోన్‌లో మధ్యాహ్నం 3.25 గంటలకు బయలుదేరి సాయంత్రం 6.35 గంటలకు బళ్లారి స్టేషన్‌కు చేరుకుంటుంది. సాయంత్రం 6.40 గంటలకు అక్కడి నుంచి బయలుదేరుతుంది. మరుసటి రోజు ఉదయం 5.45 గంటలకు వాస్కోడిగామా స్టేషన్‌కు చేరుకుంటుంది.

రైలు 17040 వాస్కో దగామా స్టేషన్ నుండి (గురువారం మరియు శనివారాల్లో) ఉదయం 9.00 గంటలకు బయలుదేరి రాత్రి 7.25 గంటలకు బళ్లారి చేరుకుని, అక్కడి నుంచి రాత్రి 7.30 గంటలకు బయలుదేరుతుంది. రాత్రి 10.40 గంటలకు డోన్‌కు చేరుకుని అక్కడి నుంచి ఉదయం 10.55 గంటలకు బయలుదేరుతుంది. మరుసటి రోజు ఉదయం 6.20 గంటలకు సికింద్రాబాద్ రైల్వే స్టేషన్‌కు చేరుకుంటుంది.

Read also: Rahul Dravid Bharat Ratna: ఎన్నో అద్భుతాలు సృష్టించాడు.. ద్రవిడ్‌కు ‘భారతరత్న’ ఇవ్వాలి: సన్నీ

సికింద్రాబాద్-గోవా మధ్య నడిచే అన్ని రైళ్లు 100 ఆక్యుపెన్సీలతో నడుస్తున్నాయని పేర్కొంటూ 2024 మార్చి 16న కేంద్ర మంత్రి కిషన్ రెడ్డి రైల్వే మంత్రి అశ్విని వైష్ణవ్‌కు లేఖ రాశారు. ఆ తర్వాత ఎన్నికల నోటిఫికేషన్‌, ఎన్నికల కోడ్‌ అమల్లోకి రావడం ఆలస్యమైంది. కేంద్రంలో మోడీ ప్రభుత్వం మూడోసారి అధికారంలోకి రావడంతో తాజాగా రైల్వే శాఖ మంత్రితో మళ్లీ ఈ ప్రాజెక్టును తీసుకొచ్చారు. దీనిపై అశ్విని వైష్ణవ్ సానుకూలంగా స్పందించారు. దీంతో సికింద్రాబాద్‌-వాస్కోడిగామా (గోవా) మధ్య రెండు వారాలకోసారి ఎక్స్‌ప్రెస్‌ రైలును ప్రారంభిస్తున్నట్లు రైల్వే మంత్రిత్వ శాఖ శుక్రవారం ప్రకటించింది.

తెలుగు రాష్ట్రాల ప్రజలకు అవసరమైన ఈ రైలును ప్రకటించినందుకు ప్రధాని మోదీకి, రైల్వే మంత్రి అశ్విని వైష్ణవ్‌కు ధన్యవాదాలు. ఈ రెండు వారాల రైలు బుధ, శుక్రవారాల్లో సికింద్రాబాద్ నుండి బయలుదేరుతుంది. వాస్కోడగామా నుండి తిరుగు ప్రయాణం గురు, శనివారాల్లో ఉంటుంది” అని కిషన్ రెడ్డి ఎక్స్‌లో పోస్ట్‌లో తెలిపారు.
Akhil Akkineni: ఆ దర్శకుడితో అఖిల్.. హిట్ దక్కేనా..?