Akhil Akkineni: ఆ దర్శకుడితో అఖిల్.. హిట్ దక్కేనా..?

అఖిల్ చిత్రంతో టాలీవుడ్ ఎంట్రీ ఇచ్చాడు అక్కినేని అఖిల్. తొలి చిత్రం దిగ్గజ దర్శకుడు వివి. వినాయక్

దర్శకత్వంలో భారీ బడ్జెట్ తో లాంఛ్ అయ్యాడు. కానీ ఆ చిత్రం దారుణ పరాజయాన్ని మూటగట్టుకుంది. ఆ తర్వాత హలో, MR. మజ్ను ఇలా వరుస సినిమాలు చేసాడు. కానీ అవేవి అఖిల్ కు హిట్ ఇవ్వలేక పోయాయి. కొంత గ్యాప్ తర్వాత బొమ్మరిల్లు భాస్కర్ దర్శకత్వంలో చేసిన మోస్ట్ ఎలిజిబుల్ బ్యాచ్‌లర్ తో ఫస్ట్ హిట్ కొట్టాడు అక్కినేని వారి హీరో. ఆ సక్సెస్ ను కంటిన్యూ చేసేలా ఈ సారి భారీ హిట్ కొట్టి స్టార్ హీరోస్ జాబితాలో చేరాలని స్టార్ డైరెక్టర్ సురేందర్ రెడ్డి దర్శకత్వంలో అనిల్ సుంకర నిర్మాణంలో ఏజెంట్ అనే సినిమా చేసాడు. ఈ చిత్రం కోసం తొలిసారి ఆరుపలకల బాడీతో న్యూ అండ్ స్టైలిష్ లుక్ కి చేంజ్ అయ్యాడు. భారీ హంగులతో వచ్చిన ఆ చిత్రం బిగ్గెస్ట్ డిజాస్టర్‌గా మిగిలింది. అటు నిర్మాతలకు, దర్శకులకు మరచిపోలేని ప్లాప్ గా నిలిచింది ఏజెంట్.

ఆ చిత్ర పరాయజయంతో కొన్నాళ్లు సినిమాలకు గ్యాప్ ఇచ్చాడు అఖిల్. ఈ గ్యాప్ లో పలు దర్శకుల సిద్ధం చేసిన కధలు వింటున్నాడు. కథ, కథనం, సినిమాలో తన పాత్రకు తగిన ప్రాధాన్యం ఉంటేనే సినిమాలకు పచ్చజెండా ఊపుతున్నాడు. అందులో భాగంగానే ధీర అనే చిత్రాన్ని త్వరలో స్టేట్స్ మీదకు తీసుకువెళ్తున్నాడు. తాజాగా అఖిల్ మరో చిత్రానికి సైన్ చేసాడు. వినరో భాగ్యం విష్ణుకథ చిత్రనికి దర్శకత్వం వహించిన మురళీ కిశోర్ వినిపించిన కథను ఒకే చేసాడని తెలుస్తోంది. అన్నపూర్ణ స్టూడియోస్ నిర్మాణంలో రానున్న ఈ చిత్రం చిత్తూరు బ్యాక్ డ్రాప్ లో రురల్ డ్రామా నేపథ్యంలో సాగనుందని తెలుస్తోంది. చూడాలి ఈ చిత్రం అఖిల్ కోరుకున్న హిట్ ఇస్తుందో లేదో.