GHMC: గ్రేటర్‌ కొత్త ప్లాన్.. ట్రాన్స్‌ఫార్మర్‌ల ద్వారా ఆదాయంపై గురి..!

గ్రేటర్‌ హైదరాబాద్‌ మున్సిపల్‌ కార్పొరేషన్‌ (జీహెచ్‌ఎంసీ) కొత్త ఆదాయ మార్గంపై దృష్టి సారించింది.. ఇప్పుడు పరిస్థితి కొంత మారినా.. సాధారణంగా జీహెచ్ఎంసీ పరిధిలో విద్యుత్‌ ట్రాన్స్‌ఫార్మర్‌ల దగ్గర.. గందరగోళమైన పరిస్థితి ఉంటుంది.. ఎక్కడికక్కడ ఓపెన్‌ స్థలాల్లో ట్రాన్స్‌ఫార్మర్లు దర్శనమిస్తాయి.. ఇవి ప్రమాదాలకు పొంచి ఉంటాయి.. చివరకు చెత్త కొందరు ప్రజలు అక్కడే పడవేసి వెళ్లిపోతుంటారు.. అయితే, వాటిని ఆదాయ వనరులుగా వినియోగించేకునే ప్లాన్‌ చేస్తుంది జీహెచ్‌ఎంసీ.. అంటే.. ప్రజల భద్రతతో పాటు పారిశుధ్యాన్ని పెంపొందిస్తూ.. సిటీ వ్యాప్తంగా ఉన్న విద్యుత్ ట్రాన్స్‌ఫార్మర్ల దగ్గర అందమైన ప్రకటనల బోర్డులు ఏర్పాటు చేసే విధంగా.. వాటి ద్వారా ఆదాయాన్ని సమకూర్చుకునేలా ప్రణాళికలు సిద్ధం చేస్తోంది.

Read Also: Krishnam Raju Last Rites: అంతిమయాత్ర రూట్ మ్యాప్.. తరలివస్తోన్న ప్రముఖులు, ఫ్యాన్స్

హైదరాబాద్‌ నగరంలోని ఆరు జోన్లలో ఒక్కో జోన్‌లో 1,000 ట్రాన్స్‌ఫార్మర్‌లను ఏర్పాటు చేసి, ఆపై ప్రైవేట్ ఏజెన్సీలను అడ్వర్టైజ్‌మెంట్ స్పేస్‌గా ఇవ్వడానికి అనుమతించడం ద్వారా ఆదాయం పెంచుకోవచ్చు అనేది గ్రేటర్‌ ప్లాన్.. 6,000 ఎలక్ట్రికల్ ట్రాన్స్‌ఫార్మర్‌లను పబ్లిక్ ప్రైవేట్ పార్టనర్‌షిప్ (పీపీపీ) మోడ్‌లో డిజైన్, బిల్డ్, ఫైనాన్స్, ఆపరేట్ మరియు ట్రాన్స్‌ఫర్ (DBFOT) ప్రాతిపదికన 10 సంవత్సరాల రాయితీ వ్యవధితో ప్రైవేట్ ఏజెన్సీలకు అప్పగించడం ద్వారా అభివృద్ధి చేస్తారు… గ్రేటర్‌ అందించిన నమూనా ప్రకారం ఒక ట్రాన్స్‌ఫార్మర్ స్ట్రక్చర్ పిల్లర్, సేఫ్టీ ఫెన్స్‌ను నిర్మించడం మరియు ఒకే బోర్డుతో ప్రకటన స్థలం కోసం ఒక నిర్మాణ స్తంభాన్ని ఏర్పాటు చేయడం లక్ష్యంగా పెట్టుకున్నారు.. దాని రూపకల్పన, ఇంజనీరింగ్, సేకరణ, ఫైనాన్సింగ్, నిర్మాణం, ఆపరేషన్ మరియు నిర్వహణకు ఏజెన్సీలు బాధ్యత వహిస్తాయి. ఇక, ఎలక్ట్రికల్ ట్రాన్స్‌ఫార్మర్‌ల చుట్టూ ఉన్న పరిసరాల అభివృద్ధికి ఎంపిక చేసిన ప్రదేశాలలో ప్రకటనల స్థలాన్ని అందించడానికి ప్రతిపాదనల కోసం బిడ్స్‌ను ఆహ్వానిస్తుంది జీహెచ్‌ఎంసీ.. దీని కోసం, గ్రేటర్‌ రెండు రకాల డిస్ట్రిబ్యూషన్ ట్రాన్స్‌ఫార్మర్ (డిటిఆర్) స్థానాలను గుర్తించింది. వీటిలో ఎల్‌బీ నగర్ జోన్‌లో 157 టైప్-ఎ, 843 టైప్-బి డీటీఆర్ స్థానాలు, చార్మినార్ జోన్‌లో 345 మరియు 655, శేరిలింగంపల్లి జోన్‌లో 102 మరియు 898, ఖైరతాబాద్ జోన్‌లో 337 మరియు 663, కూకట్‌పల్లి జోన్‌లో 297 మరియు 703 ఉన్నాయి. మరియు సికింద్రాబాద్ జోన్‌లో 768 టైప్-బి ఉన్నాయి..

ప్రాజెక్ట్ స్లాబ్ క్రింద నాలుగు క్రాస్ బీమ్‌లతో సహా కాలమ్-రకం డీటీఆర్ ప్లింత్ టాప్ స్లాబ్‌ను నిర్మించడం. భూమి నుంచి 15 అడుగులకు మించకుండా అడ్వర్టైజ్‌మెంట్ బోర్డులు ఏర్పాటు చేయడం.. సపోర్ట్ వాల్‌పై ఐదు అడుగుల ఎత్తుతో డీటీఆర్‌ చుట్టూ పూర్తి ఫెన్సింగ్ ఏర్పాటు చేయడం.. ఎలక్ట్రికల్ ట్రాన్స్‌ఫార్మర్‌లు ఓపెన్‌గా ఉండి.. గేటు ఏర్పాటుతో పాటు గోడ లేకుంటే వెనుక వైపు కూడా కంచె వేయడం చేయాల్సి ఉంటుంది. ఎంపిక చేసిన ఏజెన్సీలు కనీస నిర్వహణ బాధ్యత తీసుకోవాల్సి ఉంటుంది.. లేదా పెనాల్టీ చెల్లించాల్సి ఉంటుందని జీహెచ్‌ఎంసీ అధికారులు చెబుతున్నమాట.. ఈ నిర్వహణలో డీటీఆర్ యార్డ్‌లో నీటి ఎద్దడిని నివారించడానికి గడ్డిని తొలగించడం మరియు కంకరను నింపడం, డీపీఆర్ ప్రాంతాల పరిసరాలను శుభ్రంగా ఉంచడం, పిల్లర్, స్లాబ్, డీటీఆర్ పోల్, సపోర్ట్ వాల్ మరియు ఇతర అనుబంధ పరికరాలకు కనీసం సంవత్సరానికి రెండుసార్లు పెయింట్ చేయడం.. రాత్రిపూట వెలుతురును ఏర్పాటు చేయడం వంటివి ఉంటాయి. ఈ ప్రతిపాదనల కోసం దరఖాస్తులను ఆహ్వానిస్తోంది జీహెచ్‌ఎంసీ.. ట్రాన్స్‌ఫార్మర్ స్ట్రక్చర్ పిల్లర్ మరియు సేఫ్టీ ఫెన్స్‌ను నిర్మించడం మరియు ఒకే బోర్డుతో ప్రకటన స్థలం కోసం ఒక నిర్మాణ స్తంభాన్ని నిర్వహించడం ఈ ప్రాజెక్టు టార్గెట్.. ప్రాజెక్ట్ రూపకల్పన, ఇంజనీరింగ్, సేకరణ, ఫైనాన్సింగ్, నిర్మాణం, ఆపరేషన్ మరియు నిర్వహణకు ఏజెన్సీలు బాధ్యత వహిస్తాయి. ఎలక్ట్రికల్ ట్రాన్స్‌ఫార్మర్‌ల చుట్టూ ఉన్న పరిసరాల అభివృద్ధికి ఎంపిక చేసిన ప్రదేశాల్లో ప్రకటనల స్థలం ఏర్పాటుకు ప్రతిపాదనలు ఆహ్వానించినట్లు జీహెచ్‌ఎంసీ అధికారులు తెలిపారు. ఈ కొత్త ప్లాన్‌తో.. ట్రాన్స్‌ఫార్మర్ల దగ్గర సరికొత్త వాతావరణంతో పాటు.. జీహెచ్‌ఎంసీకి ఆదాయం కూడా లభించనుంది.