Police inspections: వాహనదారుల స్టిక్కర్లపై పోలీసుల తనిఖీలు
- Follow Us :
-
-
Add as a preferred
source on google
హైదరాబాద్‌ రహదారులపై ఉక్కుపాదం మోపుతున్నారు. జూబ్లిహిల్స్, బంజారాహిల్స్, గచ్చిబౌలిలో ఘోర ప్రమాదాల తర్వాత ఇష్టమొచ్చినట్టుగా స్టిక్కర్లు వేసుకుని తిరిగేవారిపై చర్యలు చేపట్టారు. వీఐపీలు, ఎమ్మెల్యేలు, ఎంపీలు, ప్రెస్, అడ్వకేట్ల పేరుతో స్టిక్కర్లు అంటించినవారు తప్పనసరిగా సరైన గుర్తింపు కార్డులు తమ వద్ద ఉంచుకోవాలన్నారు పోలీసులు. లేదంటే సంబంధిత వెహికల్ ని సీజ్ చేస్తామన్నారు.
కారులో ఎంతమంది ప్రయాణం చేస్తున్నారు. ఈ కారు యజమాని ఆర్సీ పేపర్లు, డ్రైవింగ్ లైసెన్సులు, బ్లాక్ స్టిక్కరింగ్ నిరోధానికి చర్యలు చేపట్టారు. కారు ప్రమాదానికి గురైతే అందులో ఎవరెవరు వున్నారు? వారి వివరాలు లభించక ట్రాఫిక్ పోలీసులు నానా ఇబ్బందులు పడుతున్నారు. కేసు విచారణ ఆలస్యం అవుతోంది. ఈ నేపథ్యంలో ట్రాఫిక్ పోలీసులు తనిఖీలు ముమ్మరం చేశారు.
డూప్లికేట్ స్టిక్కర్లు అంటించుకుని దుర్వినియోగం చేసేవారిపై కఠిన చర్యలు వుంటాయని పోలీసులు తెలిపారు. ప్రముఖ కంపెనీలు, వ్యక్తుల పేర్లను విచ్చలవిడిగా వాడేవారికి చెక్ పెట్టేందుకు రెడీ అయ్యారు పోలీసులు. ఇలాంటి తనిఖీల వల్ల ప్రమాదాలు నివారించవచ్చని, దుర్వినియోగం అరికట్టవచ్చని అంటున్నారు ట్రాఫిక్ పోలీసులు. అంతేకాదు, ట్రాఫిక్ చలాన్లు కట్టకుండా తిరిగేవారిని కూడా నియంత్రించ వచ్చని అంటున్నారు.