టీఆర్ఎస్‌ ఎమ్మెల్యేకు చేదుఅనుభవం.. రాజీనామాకు డిమాండ్‌

అధికార టీఆర్‌ఎస్‌ పార్టీకి చెందిన ఎమ్మెల్యేకు చేదుఅనుభవం ఎదురైంది.. తమ గ్రామానికి రోడ్డు లేక ఇబ్బందులకు గురిఅవుతున్నామంటూ ఆందోళనకు దిగిన స్థానికులు.. ఎమ్మెల్యే వాహనాన్ని అడ్డుకున్నారు.. ఈ ఘటన పెద్దపల్లి జిల్లాలో జరిగింది.. పూర్తి వివరాల్లోకి వెళ్తే.. పెద్దపల్లి జిల్లా సుల్తానాబాద్ మండలం కొదురుపాక గ్రామంలో ఎమ్మెల్యే దాసరి మనోహర్ రెడ్డి వాహనాన్ని అడ్డుకున్నారు గ్రామస్తులు.. గత 25 సంవత్సరాలుగా రోడ్డు లేక తాము తీవ్ర ఇబ్బందులు పడుతున్నామని ఆందోళన వ్యక్తం చేసిన ప్రజలు.. ఎమ్మెల్యే రాజీనామా చేయాలని డిమాండ్ చేశారు.. అంతే కాదు.. మీరు ఎమ్మెల్యే పదవికి రాజీనామా చేస్తే రోడ్లు వస్తాయని ఎమ్మెల్యే వాహనాన్ని అడ్డుకొని ఆందోళన కు దిగారు కొదురుపాక గ్రామస్తులు.