USSD Scam : జాగ్రత్త.! ఒక్క కాల్‌తో మీ బ్యాంక్ ఖాతా ఖాళీ.. కొత్త USSD స్కామ్ వెలుగులోకి.!

సైబర్ నేరగాళ్లు డెలివరీ ఏజెంట్లుగా నటిస్తూ బాధితులకు ఫోన్ చేస్తారు. పార్శిల్ డెలివరీలో ఏదో సమస్య ఉందని లేదా అడ్రస్ వెరిఫికేషన్ కావాలని నమ్మిస్తారు. ఆ సమస్యను పరిష్కరించడానికి ఫోన్‌లో ఒక చిన్న కోడ్ (USSD కోడ్) డయల్ చేయమని కోరతారు. మీరు ఆ కోడ్‌ను డయల్ చేసిన మరుక్షణమే, మీ ఫోన్‌కు రావాల్సిన కాల్స్ అన్నీ రహస్యంగా స్కామర్ల నంబర్‌కు ఫార్వార్డ్ అయిపోతాయి.

ఇంట్లో ఎలుకల బీభత్సమా..? ఈ చిన్న న్యాచురల్ చిట్కాతో వాటికి చెక్ పెట్టండి.!

ఇది ఎలా పనిచేస్తుంది?

సామాజిక ఇంజనీరింగ్ (Social Engineering): నేరగాళ్లు చాలా గౌరవంగా, అత్యవసరంగా మాట్లాడుతూ మిమ్మల్ని నమ్మిస్తారు.

USSD కోడ్‌ల వినియోగం: సాధారణంగా *21*#, *401*#, *61*#, లేదా *67*# వంటి కోడ్‌లను డయల్ చేయమని చెప్తారు. ఇవి టెలికాం నెట్‌వర్క్‌లో కాల్ ఫార్వార్డింగ్‌ను యాక్టివేట్ చేసే కోడ్‌లు.

OTPల దొంగతనం: కాల్ ఫార్వార్డింగ్ యాక్టివేట్ అయిన తర్వాత, మీ బ్యాంకు లావాదేవీలకు లేదా సోషల్ మీడియా అకౌంట్లకు వచ్చే Voice OTPలు , వెరిఫికేషన్ కాల్స్ అన్నీ నేరుగా హ్యాకర్లకే వెళ్తాయి. దీనివల్ల వారు మీ బ్యాంక్ ఖాతాల నుంచి డబ్బు దొంగిలించడం చాలా సులభం అవుతుంది.

మీరు స్కామ్ బారిన పడ్డారని గుర్తించడం ఎలా?

• మీ ఫోన్‌కు వచ్చే కాల్స్ హఠాత్తుగా తగ్గిపోవడం.
• ఎవరైనా మీకు ఫోన్ చేస్తే ‘అన్‌రీచబుల్’ అని రావడం.
• బ్యాంక్ లేదా ఇతర సర్వీసుల నుండి రావాల్సిన OTP కాల్స్ రాకపోవడం.
• ఫోన్ స్క్రీన్‌పై “Call Forwarding Active” అనే నోటిఫికేషన్ కనిపించడం.

రక్షణ చర్యలు , పరిష్కారాలు:

అన్ని ఫార్వార్డింగ్‌లను రద్దు చేయండి: మీ ఫోన్‌లో వెంటనే ##002# డయల్ చేయండి. ఇది అన్ని రకాల కాల్ ఫార్వార్డింగ్‌లను రద్దు చేస్తుంది.

అపరిచితుల మాటలు నమ్మకండి: డెలివరీ ఏజెంట్లు లేదా కస్టమర్ కేర్ ప్రతినిధులమని చెప్పి ఎవరైనా కోడ్‌లు డయల్ చేయమంటే అస్సలు చేయవద్దు. ఏవైనా సమస్యలు ఉంటే అధికారిక యాప్‌లు లేదా వెబ్‌సైట్ల ద్వారా మాత్రమే పరిష్కరించుకోండి.

కాల్ ఫార్వార్డింగ్ సెట్టింగ్స్ చెక్ చేయండి: తరచుగా మీ ఫోన్ సెట్టింగ్స్‌లో ‘Call Forwarding’ ఆప్షన్‌ను తనిఖీ చేస్తూ ఉండండి. అక్కడ మీకు తెలియని నంబర్ ఏదైనా ఉంటే వెంటనే తొలగించండి.

LBW రూల్ పాటించండి:

L (Law Enforcement): సైబర్ క్రైమ్ జరిగితే వెంటనే 1930 నంబర్‌కు కాల్ చేయండి లేదా cybercrime.gov.inలో ఫిర్యాదు చేయండి.

B (Bank): అనుమానాస్పద లావాదేవీలు జరిగితే వెంటనే బ్యాంకుకు సమాచారం అందించి కార్డులను బ్లాక్ చేయండి.

W (Wipe): మీ డివైజ్ సెక్యూరిటీని చెక్ చేసుకోండి , ముఖ్యమైన పాస్‌వర్డ్‌లను మార్చండి.

ప్రభుత్వం (DoT) ఇటువంటి USSD ఆధారిత కాల్ ఫార్వార్డింగ్‌ను నిలిపివేయాలని ఆదేశించినప్పటికీ, కొన్ని సాంకేతిక కారణాల వల్ల ఇవి ఇంకా పని చేస్తున్నాయని, కాబట్టి వినియోగదారులే అప్రమత్తంగా ఉండాలని నిపుణులు హెచ్చరిస్తున్నారు.

CM Revanth Reddy : క్యూర్-ప్యూర్-రేర్‌తో డెవలప్‌మెంట్ మోడల్