ఇంట్లో ఎలుకల బీభత్సమా..? ఈ చిన్న న్యాచురల్ చిట్కాతో వాటికి చెక్ పెట్టండి.!

ఇంట్లో ఎలుకలు చేరాయంటే ఇక ఆ ఇంట్లో వస్తువులకి రక్షణ ఉండదు. బట్టలు కొరకడం, కరెన్సీ నోట్లను నాశనం చేయడం, ఆహార పదార్థాలను పాడు చేయడం వంటి పనులతో అవి ఇంట్లో వారిని విసిగిస్తుంటాయి. అంతేకాకుండా, ఎలుకలు బయట నుంచి అనేక రకాల బ్యాక్టీరియాలను మోసుకొస్తాయి, దీనివల్ల ఆరోగ్య సమస్యలు తలెత్తే ప్రమాదం ఉంది.

సాధారణంగా ఎలుకలను తరిమికొట్టడానికి మనం మార్కెట్లో దొరికే రసాయన మందులను వాడుతుంటాం. అయితే ఇంట్లో చిన్న పిల్లలు లేదా పెంపుడు జంతువులు ఉన్నప్పుడు ఈ విషపూరిత మందులు వాడటం కొంత రిస్క్‌తో కూడుకున్న పని. ఇలాంటి సమయంలో యోగా నిపుణులు కైలాష్ బిష్ణోయ్ సూచించిన ఒక సహజసిద్ధమైన చిట్కా అద్భుతంగా పనిచేస్తుంది. కేవలం ఒక అరటిపండుతో ఎలుకలను ఎలా తరిమికొట్టవచ్చో ఇప్పుడు చూద్దాం.

 

CP Sajjanar : చైనా మాంజా అమ్మినా.. వాడినా జైలుకే..!

1. అరటిపండుతో మాయా చిట్కా : ఈ పద్ధతి చాలా సులభం , తక్కువ ఖర్చుతో కూడుకున్నది.

కావలసిన పదార్థాలు:

• ఒక అరటిపండు
• సిట్రిక్ యాసిడ్ పౌడర్ (లేదా ఈనో) – 1 టీస్పూన్
• బేకింగ్ సోడా – 1 టీస్పూన్
• పసుపు – 1 టీస్పూన్

తయారీ విధానం: ముందుగా అరటిపండును చిన్న చిన్న ముక్కలుగా కట్ చేసి ఒక ప్లేటులో పెట్టుకోవాలి. ఆ ముక్కల మీద వరుసగా సిట్రిక్ యాసిడ్ పౌడర్, బేకింగ్ సోడా , పసుపును చల్లాలి.

ఎలా ఉపయోగించాలి? ఈ ముక్కలను ఎలుకలు ఎక్కువగా సంచరించే ప్రాంతాల్లో, అంటే అల్మారాల వెనుక, వంటగది మూలల్లో లేదా గ్యాస్ స్టవ్ కింద ఉంచాలి. ఈ మిశ్రమం యొక్క ప్రభావం వల్ల ఎలుకలు ఆ ప్రాంతం నుంచి పారిపోతాయి. కేవలం ఎలుకలే కాకుండా, దోమలు , ఈగలను నివారించడానికి కూడా ఇది సహాయపడుతుందని నిపుణులు చెబుతున్నారు.

2. అరటి తొక్కల ఉండలు

ఒకవేళ మీరు పండును వృథా చేయకూడదనుకుంటే, అరటి తొక్కలతో కూడా ఈ ట్రిక్ ప్లే చేయవచ్చు.

విధానం: అరటి తొక్కలను మిక్సీలో వేసి మెత్తని పేస్టులా చేసుకోవాలి. ఇందులో సిట్రిక్ యాసిడ్ లేదా బేకింగ్ సోడా కలపాలి.

ఇప్పుడు కొద్దిగా గోధుమపిండి తీసుకుని నీళ్లతో కలిపి చిన్న ఉండలుగా చేసి, ఆ ఉండల మధ్యలో ఈ అరటి తొక్కల మిశ్రమాన్ని ఉంచాలి.

వీటిని ఎలుకలు తిన్నప్పుడు వాటి జీర్ణవ్యవస్థలో గ్యాస్ ఏర్పడి, అవి అసౌకర్యానికి గురై ఇంటి నుండి బయటకు పారిపోతాయి.

3. పటికతో ఎలుకల నివారణ (Alum Spray)

ఎలుకలను తరిమికొట్టడానికి పటిక (Alum) మరొక అద్భుతమైన మార్గం.

స్ప్రే తయారీ: పటికను పొడి చేసి నీటిలో బాగా కలుపుకోవాలి. ఈ మిశ్రమాన్ని ఒక స్ప్రే బాటిల్‌లో నింపుకోవాలి.

ఉపయోగం: ఎలుకలు తిరిగే అటకలు, స్టోర్ రూమ్‌లు లేదా డ్రైనేజీ పైపుల దగ్గర ఈ నీటిని స్ప్రే చేయాలి. పటిక యొక్క ఘాటైన వాసన ఎలుకలకు నచ్చదు, కాబట్టి అవి ఆ దరిదాపుల్లోకి రావు.

ఎలుకల మందులు వాడి అవి ఇంట్లోనే ఎక్కడో ఒకచోట చనిపోతే వచ్చే దుర్వాసన చాలా భయంకరంగా ఉంటుంది. కానీ ఈ సహజ చిట్కాల వల్ల ఎలుకలు చనిపోకుండా ఇంటి నుండి పారిపోతాయి. తద్వారా ఇల్లు శుభ్రంగా ఉంటుంది , ఎటువంటి కెమికల్స్ భయం ఉండదు.

గమనిక: పైన పేర్కొన్న సమాచారం సోషల్ మీడియాలో నిపుణులు పంచుకున్న వివరాల ఆధారంగా అందించబడింది. దీని ప్రభావం ఆయా పరిస్థితులపై ఆధారపడి ఉంటుంది.

 

Rajasaab : సినిమా టికెట్ల రేట్ల పెంపుపై హైకోర్టు ఆగ్రహం.. “ఎన్నిసార్లు చెప్పినా పట్టించుకోరా?” అంటూ..