Instagram New Feature : ఇన్‌స్టాలో కొత్త ఫీచర్‌.. అదుర్స్‌..

తన వినియోగదారుల కోసం ఇన్‌స్టాగ్రామ్‌ మరో కొత్తీ ఫీచర్‌ను తీసుకురానుంది. తన వినియోగదారులకు మరింత మెరుగైన సేవలందించేందుకు మెటా సంస్థ మరో కీలక నిర్ణయానికి శ్రీకారం చుట్టబోతోంది. ఈ కొత్త ఫీచర్‌తో యూజర్ల వీడియో పోస్ట్‌లను రీల్స్‌గా మారుతాయి. మెటా సంస్థ ఇన్‌స్టాగ్రామ్‌ యూజర్ల కోసం ఈ ఫీచర్‌ను పరీక్షిస్తున్నట్లు తెలిపింది. “ఇన్‌స్టాగ్రామ్‌లో వీడియో అనుభూతిని మరింత సులభతరం చేయడంతోపాటు, మెరుగుపరచాలనే ఉద్దేశంతో వీడియో పోస్ట్‌లను రీల్స్‌గా మార్చే ఫీచర్‌ను పరీక్షిస్తున్నాం” అని మెటా సంస్థ వెల్లడించింది. పబ్లిక్‌ ఖాతాలో అప్‌లోడ్‌ చేసిన వీడియోలు రీల్స్‌గా మారినప్పుడు ఇన్‌స్టాగ్రామ్‌ యూజర్లు ఎవరైనా సదరు రీల్స్‌లోని ఆడియో, వీడియో క్లిప్‌లను వేరువేరుగా వినియోగించుకునే అవకాశం ఉంటుంది. ప్రైవేటు ఖాతాల్లో వీడియో-రీల్స్‌ కేవలం ఖాతాను ఫాలో అవుతున్న వారికి మాత్రమే కనిపిస్తాయని తెలిపింది మెటా సంస్థ. గత రెండేళ్లుగా షార్ట్‌ వీడియోలను చేసే వారి సంఖ్య క్రమంగా పెరుగుతున్న విషయం తెలిసిందే.

అయితే.. ఈ నేపథ్యంలో షార్ట్‌ వీడియోలను యూజర్లకు చేరువచేయాలనే ఉద్దేశంతో ఇన్‌స్టాగ్రామ్‌ ఎప్పటికప్పుడు కొత్త ఫీచర్లను పరిచయం చేస్తూ వస్తోంది. అయితే.. ఇప్పటికే వయసు ధ్రువీకరణ కోసం సెల్ఫీ వీడియో, సోషల్‌ వోచింగ్‌ ఫీచర్లను ఇన్‌స్టా తీసుకొస్తుంది. అంతకముందు యూజర్ల కోసం అవతార్‌ ఫీచర్‌ను పరిచయం చేసింది ఇన్‌స్టా. అయితే ఎప్పటికప్పుడు తన వినియోగదారులకు చేరువయ్యేందుకు మరిన్ని ఫీచర్లను మున్ముందు ప్రవేశపెట్టనున్నట్లు ఇన్‌స్టా తెలిపింది. అంతేకాకుండా.. గత రెండు సంవత్సరాలుగా ఇన్‌స్టా వినియోగదారుల సంఖ్య అంతకంతకు పెరుగుతోందని తెలిపింది.