Apple Smart Phones : యాపిల్ స్మార్ట్ ఫోన్లను ఏ దేశంలో ఎక్కువగా వినియోగిస్తున్నారు?

అమెరికాకు చెందిన ప్రముఖ టెక్ కంపెనీ యాపిల్ ఉత్పత్తులకు ముఖ్యంగా ఐఫోన్ కు ప్రపంచ వ్యాప్తంగా క్రేజ్ పెరుగుతోంది. ప్రపంచంలోని చాలా దేశాల్లో ఈ కంపెనీకి చెందిన ఫోన్‌లు ఎక్కువగా ఉపయోగించబడుతున్నాయి. భారతదేశంలో కూడా ఈ ట్రెండ్ వేగంగా పెరుగుతోంది. ఢిల్లీ, ముంబైలలో కూడా కంపెనీ తన స్టోర్లను ప్రారంభించింది. కానీ భారతదేశంలో ప్రస్తుతం కేవలం ఐదు శాతం మంది మాత్రమే ఆపిల్‌ను ఉపయోగిస్తున్నారు. అయితే చాలా దేశాల్లో సగం కంటే ఎక్కువ మంది జనాభాలో ఐఫోన్ ఉంది. ఐఫోన్‌ను ఎక్కువగా ఉపయోగించే దేశాల గురించి తెలుసుకుందాం.

READ MORE: Nandigam Suresh: మాజీ ఎంపీకి రెండ్రోజుల పోలీస్‌ కస్టడీ.. ఏ కేసులో అంటే..?

యాపిల్ అమెరికా కంపెనీ అయినప్పటికీ అక్కడ 51 శాతం మంది మాత్రమే ఐఫోన్ వినియోగిస్తున్నారు. అమెరికాలో 27 శాతం మంది సామ్‌సంగ్ ఫోన్‌లను ఉపయోగిస్తుండగా.. 22 శాతం మంది ఇతర బ్రాండ్‌ల ఫోన్‌లను ఉపయోగిస్తున్నారు. ఐఫోన్ గరిష్ట వినియోగంలో జపాన్ మొదటి స్థానంలో ఉంది. ఈ దేశంలో 59% మందికి ఐఫోన్ ఉంది. జపాన్‌లో తొమ్మిది శాతం మంది ప్రజలు దక్షిణ కొరియా కంపెనీ సామ్‌సంగ్ ఫోన్‌లను ఉపయోగిస్తుండగా, జనాభాలో 32 శాతం మంది ఇతర కంపెనీల ఫోన్‌లను కలిగి ఉన్నారు. అదేవిధంగా.. కెనడాలో 56%, ఆస్ట్రేలియాలో 53% మంది ఐఫోన్‌ను ఉపయోగిస్తున్నారు.

READ MORE:S Jaishankar: “IC 421 హైజాక్ విమానంలో నా తండ్రి”.. ఆనాటి ఘటనను గుర్తు చేసుకున్న జైశంకర్..

భారతదేశంలో 5% మంది మాత్రమే ఐఫోన్‌ను ఉపయోగిస్తుండగా.. 19% మంది సామ్‌సంగ్ ఫోన్‌లను కలిగి ఉన్నారు. దేశంలో 76 శాతం మంది ప్రజలు షావోమీ, వీవో, ఒప్పో వంటి చైనా కంపెనీల ఫోన్‌లను ఉపయోగిస్తున్నారు. ఆసక్తికరంగా.. చైనాలో కూడా, 76% మంది ప్రజలు షావోమీ, వీవో,ఒప్పో , ఫోన్‌లను ఉపయోగిస్తున్నారు. యుకెలో యాపిల్ ఐఫోన్‌ను ఉపయోగిస్తున్న వారి జనాభా 48%, చైనాలో 21%, జర్మనీలో 34%, ఫ్రాన్స్‌లో 35%, దక్షిణ కొరియాలో 18%, ఆస్ట్రేలియాలో 53%, బ్రెజిల్‌లో 16%, ఇటలీలో 30%, రష్యా యునైటెడ్ స్టేట్స్‌లో 12%, మెక్సికోలో 20%, స్పెయిన్‌లో 29% మంది ఐఫోన్‌ను కలిగి ఉన్నారు.