IND vs SA: టీమిండియా బ్యాటర్ల ఫ్లాప్ షో.. భారత్ సరిచేసుకోవాల్సిన 3 తప్పులు ఇవే!

IND vs SA: నిన్న దక్షిణాఫ్రికాతో జరిగిన మ్యాచులో భారత జట్టు బ్యాటర్లు దారుణంగా విఫలం అయ్యారు. డకౌట్ అవ్వడం ఈసారి ఇషాన్ కిషన్ వంతైంది. అభిషేక్ శర్మ(15) మరోసారి చెత్త షాట్ ఆడి పెవిలియన్ బాట పట్టాడు. తిలక్ వర్మ(1) ఫామ్ లేమిని కంటిన్యూ చేస్తున్నాడు. జట్టుకు అండగా నిలబడాల్సిన కెప్టెన్ సూర్యకుమార్ యాదవ్ (18) తొందరపడి ఔట్ అయ్యాడు. 5వ స్థానంలో బ్యాటింగ్ కి వచ్చిన వాషింగ్టన్ సుందర్ (11) మ్యాజిక్ చేయకుండానే డకౌట్ కి వెళ్లిపోయాడు. చివరి వరకు శివమ్ దూబే (42) ఒంటరి పోరాటం చేసిన బౌండరీలు కొట్టేందుకు తీవ్రంగా ఇబ్బంది పడ్డాడు. హార్థిక్ పాండ్యా (18) హోప్ ఇవ్వకపోగా రింకూ సింగ్(0) వచ్చిన అవకాశాన్ని సద్వినియోగం చేసుకోలేక బొక్కబోర్లా పడ్డాడు.

Read Also: SURIYA : 2026 సూర్య లైనప్.. కంబ్యాక్ మాములుగా ఉండదు

అయితే, సౌతాఫ్రికాతో జరిగిన మ్యాచ్ లో భారత జట్టు ఘోరంగా విఫలం కావడంపై మాజీ క్రికెటర్ సంజయ్ ముంజ్రేకర్ తీవ్రంగా మండిపడ్డాడు. ఈ సందర్భంగా జట్టులో మూడు మార్పులు చేసుకోవాలని సూచించారు. స్పిన్నర్లను బాగా ఎదుర్కునే వారిని బ్యాటింగ్ ఆర్డర్ లో ముందుకు పంపాలని సూచించాడు, అలాగే పేసర్లు వేగం తగ్గించి వేసే ‘పీస్-ఆఫ్’ డెలివరీలను ఎదుర్కోవడంలో కెప్టెన్ సూర్యకుమార్ యాదవ్ సహా ఇతర బ్యాటర్లు ఇబ్బంది పడుతుండటాన్ని గుర్తు చేశారు. కుల్ దీప్ ని జట్టులోకి తీసుకుని బౌలింగ్ ని మరింత పటిష్ఠం చేయాలని ముంజ్రేకర్ చెప్పుకొచ్చాడు.