Team India: టీమిండియా కెప్టెన్ రోహిత్ శర్మ క్రీడా స్పూర్తిని చాటుకున్నాడు. శ్రీలంకతో మంగళవారం జరిగిన తొలి వన్డేలో టీమిండియా పేసర్ మన్కడింగ్ రనౌట్కు ప్రయత్నించగా రోహిత్ శర్మ నిరాకరించాడు. షమీ చేసిన అప్పీల్ను వెనక్కు తీసుకునేలా చర్యలు తీసుకుని అందరి మనసులను గెలుచుకున్నాడు. అసలు ఏం జరిగిందంటే.. శ్రీలంక ఇన్ని్ంగ్స్ జరుగుతున్న సమయంలో మహ్మద్ షమీ చివరి ఓవర్ వేశాడు. అయితే నాలుగో బంతి సమయంలో శ్రీలంక కెప్టెన్ షనక 98 పరుగులతో నాన్ స్ట్రైకింగ్లో ఉన్నాడు. సెంచరీపై ఫోకస్ పెట్టిన అతడు సింగిల్ తీసివ్వాలని స్ట్రైకింగ్లో ఉన్న రజితకు సూచించాడు.
Read Also: RRR Movie: ‘నాటు నాటు’ సాంగ్కు గోల్డెన్ గ్లోబ్ అవార్డు
ఈ క్రమంలో టీమిండియా కెప్టెన్ రోహిత్ శర్మ ఫీల్డర్లను సర్కిల్ లోపల పెట్టగా షమీ బంతి వేయక ముందే షనక క్రీజు దాటాడు. ఇది గమనించిన షమీ.. మన్కడింగ్ పద్ధతిలో రనౌట్ చేసి అప్పీల్ చేశాడు. దాంతో ఫీల్డ్ అంపైర్ థర్డ్ అంపైర్కు నివేదించాడు. అంతలోనే కెప్టెన్ రోహిత్ శర్మ జోక్యం చేసుకోని షమీ చేత అప్పీల్ను వెనక్కి తీసుకున్నాడు. అనంతరం ఆట కొనసాగగా.. షనక బౌండరీతో వన్డే కెరీర్లో తన రెండో సెంచరీని పూర్తి చేశాడు. సెంచరీ అనంతరం షనకను ప్రత్యేకంగా రోహిత్ శర్మ అభినందించాడు. కాగా మ్యాచ్ అనంతరం టీమిండియా కెప్టెన్ రోహిత్ శర్మ ఆసక్తికర వ్యాఖ్యలు చేశాడు. షమీ ఇలా మన్కడింగ్ చేస్తాడని ఊహించలేదన్నాడు. 98 పరుగులతో బ్యాటింగ్ చేస్తున్న షనకను ఇలా ఔట్ చేయడం సరికాదని భావించే అప్పీల్ను వెనక్కి తీసుకున్నామని స్పష్టం చేశాడు.
*Shami Mankaded Shanaka and Rohit Sharma told Shami to withdraw the appeal…Good Gesture from the Indian Captain*❤️😍
Video Courtesy : SuperSport #INDvsSL #RohitSharma #Shami #mankading #IndianCricketTeam #ViratKohli𓃵 pic.twitter.com/x1bIV2lGuh— Rohind N Mani (@rohind_) January 10, 2023
