బర్మింగ్‌హామ్ వేదికగా టీమిండియాతో జరుగుతున్న రెండో టీ20లో టాస్ గెలిచిన ఇంగ్లండ్ టీమ్ తొలుత ఫీల్డింగ్ ఎంచుకుంది. దీంతో వరుసగా రెండో మ్యాచ్‌లోనూ టీమిండియ ఫస్ట్ బ్యాటింగ్ చేస్తోంది. తొలి టీ20లో టాస్ గెలిచిన రోహిత్ బ్యాటింగ్ ఎంచుకున్నాడు. ఈ మ్యాచ్‌లో ఇండియా భారీ స్కోరు చేయడంతో విజయం సాధించింది. అయితే ఈ మ్యాచ్‌లో భారత్ ఏకంగా నాలుగు మార్పులతో బరిలోకి దిగింది. ఇషాన్ కిషన్ స్థానంలో విరాట్ కోహ్లీ, దీపక్ హుడా స్థానంలో రిషబ్ పంత్, అక్షర్ పటేల్ స్థానంలో రవీంద్ర జడేజా, అర్ష్‌దీప్ స్థానంలో బుమ్రా అందుబాటులోకి వచ్చారు. ఇషాన్ కిషన్ లేకపోవడంతో పంత్ ఓపెనర్ అవతారం ఎత్తాడు. రోహిత్‌తో కలిసి అతడు బ్యాటింగ్‌కు వచ్చాడు. కాగా మూడు టీ20ల సిరీస్‌లో భారత్ 1-0 ఆధిక్యంలో ఉంది.
Read Also: BCCI: ఆసియా కప్‌కు సీనియర్లు.. జింబాబ్వే పర్యటనకు జూనియర్లు
తుది జట్లు:
భారత్: రోహిత్ శర్మ(కెప్టెన్), విరాట్ కోహ్లీ, సూర్యకుమార్ యాదవ్, రిషబ్ పంత్, హార్డి్క్ పాండ్యా, దినేష్ కార్తీక్, రవీంద్ర జడేజా, భువనేశ్వర్, హర్షల్ పటేల్, బుమ్రా, చాహల్.
ఇంగ్లండ్: బట్లర్ (కెప్టెన్), జాసన్ రాయ్, లివింగ్‌స్టోన్, డేవిడ్ మలాన్, బ్రూక్, మోయిన్ అలీ, డేవిడ్ విల్లే, సామ్ కరన్, జోర్డాన్, రిచర్డ్ గ్లీసన్, పార్కిన్సన్.
