Suryakumar Yadav: ఒకే ఓవర్లో 24 రన్స్.. సూర్యతో ఇట్లుంటది మరీ!

Suryakumar Yadav Batting Video vs RCB Goes Viral: గాయాల కారణంగా దాదాపుగా మూడు నెలల అనంతరం ఐపీఎల్ 2024లో అడుగుపెట్టిన టీమిండియా స్టార్ బ్యాటర్, ముంబై ఇండియన్స్‌ ఆటగాడు సూర్యకుమార్‌ యాదవ్‌ విధ్వంసం సృష్టించాడు. ఐపీఎల్‌ 2024లో తాను ఆడిన తొలి మ్యాచ్‌లో డకౌట్ అయిన సూర్య.. రెండో మ్యాచ్‌లో ఆకాశమే హద్దుగా చెలరేగిపోయాడు. గురువారం వాంఖడే వేదికగా రాయల్‌ ఛాలెంజర్స్‌ బెంగళూరుతో జరిగిన మ్యాచ్‌లో కేవలం 17 బంతుల్లో హాఫ్ సెంచరీ చేశాడు. ఇంపాక్ట్‌ ప్లేయర్‌గా బరిలోకి దిగిన సూర్య.. బెంగళూరు బౌలర్లను ఊచకోత కోశాడు. మొత్తంగా 19 బంతులు ఎదుర్కొన్న మిస్టర్ 360.. 5 ఫోర్లు, 4 సిక్స్‌లతో 52 పరుగులు చేశాడు.

Also Read: What’s Today: ఈ రోజు ఏమున్నాయంటే..?

బెంగళూరు బౌలర్ ఆకాశ్‌ దీప్‌ వేసిన 11వ ఓవర్‌లో అయితే సూర్యకుమార్‌ యాదవ్‌ చెలరేగిపోయాడు. మూడు సిక్స్‌లు, ఒక ఫోర్‌ కొట్టి.. 24 పరుగులు పిండుకున్నాడు. వరుస గాయాలు అయినా, గత మ్యాచ్‌లో డకౌట్‌ అయినా.. తాను ఎంతటి విధ్వంసకర ఆటగాడో మరోసారి నిరూపించాడు. సూర్య విధ్వంసకర ఇన్నింగ్స్‌కు సంబంధించిన వీడియో సోషల్‌ మీడియాలో వైరల్‌గా మారింది. వీడియో చూసిన నెటిజన్లు ‘వెలకమ్‌ బ్యాక్‌ టూ సూర్యభాయ్‌’, ‘సూర్యతో ఇట్లుంటది మరీ’ అంటూ కామెంట్లు చేస్తున్నారు. టీ20 ప్రపంచకప్‌ 2024కు ముందు సూర్య ఇలా చెలరేగడం టీమిండియాకు కలిసొచ్చే ఆంశం.

 

View this post on Instagram

 

A post shared by IPL (@iplt20)