LSG vs KKR: లక్నోపై కోల్కతా విజయం..

ఐపీఎల్ 2024లో భాగంగా.. లక్నో సూపర్ జెయింట్స్ తో జరిగిన మ్యాచ్ లో కోల్కతా నైట్ రైడర్స్ విజయం సాధించింది. 98 పరుగుల తేడాతో కేకేఆర్ గెలుపొందింది. 236 పరుగుల లక్ష్యాన్ని చేధించేందుకు బరిలోకి దిగిన లక్నో.. కేవలం 137 పరుగులకే ఆలౌటైంది. కేకేఆర్ బౌలర్లు ధాటికి లక్నో బ్యాటర్లు చేతులెత్తేయడంతో.. ఎల్ఎస్జీ ఓటమి పాలైంది. లక్నో బ్యాటర్లలో మార్కస్ స్టోయినీస్ అత్యధికంగా 36 పరుగులు చేశాడు. ఓపెనర్లు కేఎల్ రాహుల్ (25), కుల్ కర్ణి (9) పరుగులు చేశారు.

PM Modi: అయోధ్య రాముడ్ని దర్శించుకున్న ప్రధాని

ఆ తర్వాత దీపక్ హుడా (5), పూరన్ (10), బడోనీ (15), టర్నర్ (16), కృనాల్ పాండ్యా (5), యద్ వీర్ సింగ్ (7), రవి బిష్ణోయ్ (2 ) పరుగులు చేశారు. కేకేఆర్ బౌలింగ్ లో సమిష్టిగా రాణించడంతో విజయం వరించింది. కేకేఆర్ బౌలర్లలో వరుణ్ చక్రవర్తి, హర్షిత్ రాణా చెరో 3 వికెట్లు పడగొట్టారు. ఆ తర్వాత మిచెల్ స్టార్క్, సునీల్ నరైన్ కు తలో వికెట్ దక్కింది.

KL Sharma: అమేథీలో స్మృతి ఇరానీని ఓడించి తీరుతా

అంతకుముందు బ్యాటింగ్ చేసిన కోల్కతా నైట్ రైడర్స్.. 235 పరుగులు చేసింది. కేకేఆర్ బ్యాటింగ్ లో ఓపెనర్లు ఫిల్ సాల్ట్ (32), సునీల్ నరైన్ (81) పరుగులతో మంచి శుభారంభాన్ని అందించడంతో భారీ స్కోరు చేసింది. ఆ తర్వాత రఘువంశీ (32), రస్సెల్ (12), రింకూ సింగ్ (16), శ్రేయాస్ అయ్యర్ (23), రమణ్ దీప్ సింగ్ (25*) పరుగులు చేయడంతో కోల్కతా నైట్ రైడర్స్ లక్నో సూపర్ జెయింట్స్ కు భారీ టార్గెట్ ఉంచింది. లక్నో బౌలింగ్ లో నవీన్ ఉల్ హక్ 3 వికెట్లు తీశాడు. ఆ తర్వాత.. యష్ ఠాకూర్, రవి బిష్ణోయ్, యుధ్ వీర్ సింగ్ తలో వికెట్ పడగొట్టారు.