Bhuvneshwar Kumar Record: దూసుకెళ్తున్న స్వింగ్ మాస్టర్ భువనేశ్వర్.. జస్ప్రీత్ బుమ్రా రికార్డు బ్రేక్!
- భువనేశ్వర్ కుమార్ అరుదైన ఘనత
- టీ20 క్రికెట్లో 350 వికెట్ల మైలురాయి
- జస్ప్రీత్ బుమ్రా రికార్డు బ్రేక్
- Follow Us :
-
-
Add as a preferred
source on google
Bhuvneshwar Kumar Surpasses Jasprit Bumrah in T20 Wickets: టీమిండియా సీనియర్ పేసర్, స్వింగ్ మాస్టర్ భువనేశ్వర్ కుమార్ అరుదైన ఘనత అందుకున్నాడు. భారత్ తరఫున పురుషుల టీ20 క్రికెట్లో 350 వికెట్ల మైలురాయిని అందుకున్నాడు. ఐపీఎల్ 2026లో భాగంగా గురువారం అహ్మదాబాద్లో గుజరాత్ టైటాన్స్తో జరిగిన మ్యాచ్లో రాయల్ ఛాలెంజర్స్ బెంగళూరు తరఫున బరిలోకి దిగిన భువీ 3 వికెట్స్ పడగొట్టడంతో ఈ రికార్డు అతడి ఖాతాలో చేరింది. ఈ క్రమంలో జస్ప్రీత్ బుమ్రా రికార్డును భువనేశ్వర్ బద్దలు కొట్టాడు.
టీ20 క్రికెట్లో భారత్ తరఫున అత్యధిక వికెట్లు సాధించిన ఆటగాళ్ల జాబితాలో మణికట్టు స్పిన్నర్ యుజ్వేంద్ర చహల్ అగ్రస్థానంలో నిలిచాడు. యూజీ 391 వికెట్లు పడగొట్టి టాప్ ప్లేస్లో ఉన్నాడు. తన లెగ్ స్పిన్ మాయాజాలంతో బ్యాటర్లను బోల్తా కొట్టిస్తూ.. మ్యాచ్లను మలుపుతిప్పడంలో చహల్ ప్రత్యేక నైపుణ్యం చూపించాడు. యూజీ తర్వాతి స్థానంలో భువనేశ్వర్ కుమార్ ఉన్నాడు. ప్రస్తుతం 350 వికెట్లతో ఉన్న భువీ.. త్వరలోనే ఈ జాబితాలో మరింత పైకి చేరే అవకాశం ఉంది. మూడో స్థానంలో జస్ప్రీత్ బుమ్రా నిలిచాడు. అతడు 347 వికెట్లు సాధించి టీ20ల్లో అత్యంత ప్రభావవంతమైన పేసర్లలో ఒకడిగా నిలిచాడు. పీయూష్ చావ్లా 327 వికెట్లతో నాలుగో స్థానంలో ఉన్నాడు. ఐదో స్థానంలో రవిచంద్రన్ అశ్విన్ 317 వికెట్లతో కొనసాగుతున్నాడు.
టీ20లలో అత్యధిక వికెట్లు పడగొట్టిన భారత బౌలర్లు:
# 391 – యుజ్వేంద్ర చహల్
# 350 – భువనేశ్వర్ కుమార్
# 347 – జస్ప్రీత్ బుమ్రా
# 327 – పీయూష్ చావ్లా
# 317 – రవిచంద్రన్ అశ్విన్