‘గోపి గాళ్ల గోవా ట్రిప్’ సినిమాను రాస్తా ఫిల్మ్స్, ఔరా ఉలిస్ ఆర్ట్స్, అవ్వల్ నంబర్ ప్రొడక్షన్స్, అవంతి సినిమా సంయుక్తంగా నిర్మించారు. అజిత్ మోహన్, రాజు శివరాత్రి, క్యాంప్ శశి, సాయి కుమార్, పవోన్ రమేష్, మోనిక బుసం సాయి కుమార్ కీలక పాత్రల్లో నటించిన ఈ సినిమాను సీతా రామరాజు, రమణా రెడ్డి నిర్మించగా రోహిత్ & శశి దర్శకత్వం వహించారు. ఈ రోజు ప్రేక్షకులు ముందుకు వచ్చిన ఈ సినిమా ఎలా ఉందంటే?
కథ : 3GT తెలుగు సినిమాల్లో చాలా అరుదైనది. కథ స్టార్ట్ అయినపుడు సింపుల్గా ఉన్నా, క్రమంగా చాలా లేయర్డ్ (layered), సరదాగా, ఊహించని విధంగా మ్యాజికల్గా మారుతుంది. ఇద్దరు చిన్న పల్లెటూరు పోరగాళ్ళు గోవా వెళ్ళాలి అనే కలను వెంటాడటం అనేది నెమ్మదిగా ఒక ఫీలింగ్తో కూడిన సర్రియల్ అడ్వెంచర్గా మారుతుంది. ఈ టోన్ మార్పును దర్శకులు చాలా నమ్మకంగా హ్యాండిల్ చేశారు. అసలు ఆ ఇద్దరు అసలు ఎందుకు గోవా వెళ్లారు. ఆ వెళ్లే క్రమంలో వాళ్లకు వారికీ పరిచయం అయినా మరో గోపి ఎవరు? గోవా వెళ్లిన ఇద్దరు గోపిలు వాళ్ళు అనుకున్న పని చేసారా? ఆలా వెళ్లిన వాళ్లు తిరిగి సొంత ఊరు చేరుకున్నారా అనేది తెరపై చూడాల్సిందే..
విశ్లేషణ : ఈ సినిమాలో బెస్ట్ థింగ్ ఏంటంటే ఫిల్మ్ మేకింగ్ లాంగ్వేజ్ చాలా కొత్తగా ఉంటుంది, మెయిన్స్ట్రీమ్ సినిమాకు ఇది భిన్నం. సింక్ సౌండ్తో షూట్ చేయాలనే నిర్ణయం బ్రహ్మాండంగా పనిచేసింది. ఆ వాతావరణం, యాసలు, ఆడియో డిజైన్ అన్నీ లొకేషన్ను మనకు చాలా దగ్గర చేస్తాయి. ఇది ఆ క్యారెక్టర్స్తో పాటు గోవా రోడ్ జర్నీలో మనం ఫిజికల్గా ట్రావెల్ చేస్తున్న ఫీలింగ్ ఇస్తుంది. యాక్టింగ్ కూడా కమర్షియల్ సినిమాల్లో చూడనంత సహజంగా ఉంది. యాక్టింగ్లో మెథడ్-యాక్టింగ్ లాంటి టచ్ ఉంది—చిన్న చిన్న బాడీ లాంగ్వేజ్, పాలిష్ లేని సంభాషణలు అన్నీ రియల్ లైఫ్ను చూపిస్తాయి. లీడ్ రోల్స్ చేసిన నటులు నిజాయితీగా తమ క్యారెక్టర్స్లో జీవించారు, అందుకే సినిమాకు అంత ఎమోషనల్ బలం వచ్చింది. 3GT అనేది ఫార్ములాటిక్ సినిమాలను కోరుకోని కొత్త జనరేషన్ ప్రేక్షకుల కోసం చేసిన సినిమా. ఇది రియల్ ఎమోషన్స్, సినిమాటిక్ ప్రయోగం మరియు పాత పద్ధతులకు దూరంగా ఉండే కథనాలను కోరుకునే యూత్ ఆడియెన్స్తో కనెక్ట్ అవుతుంది. పెద్ద సినిమాల హంగామాలో, 3GT తనకంటూ ఒక గుర్తింపును సృష్టించుకున్న నిశ్శబ్దమైన, కాన్ఫిడెంట్ ఇండీ ఫిల్మ్. నిజాయితీ, హాస్యం, కొద్దిపాటి మ్యాజిక్ ఉన్న ఉన్న రోడ్-ట్రిప్ సినిమాటిక్ ఎక్స్పీరియన్స్ ఆడియెన్స్ ను మెప్పిస్తుంది.
విజువల్స్: 3GT ధైర్యంగా కొత్తగా ట్రై చేసింది. సినిమాటోగ్రఫీ అనవసరమైన గ్లామర్ను వదిలేసి, మట్టి రంగులు, డ్రీమీ టోన్లు, వైడ్ ఫ్రేమ్లతో కూడిన ప్రత్యేకమైన పాలెట్ను స్వీకరించింది. ఇది లాంగ్-డిస్టెన్స్ ట్రావెల్లో ఉండే స్వేచ్ఛ మరియు ఒంటరితనం రెండింటినీ పట్టుకుంది. రోడ్ ట్రిప్ ఫీల్ కేవలం పైపై అందం కోసం కాదు, అది సినిమా మెయిన్ పాయింట్లో భాగమైంది.
Overall : ఈ రోడ్-ట్రిప్ సినిమాటిక్ ఎక్స్పీరియన్స్ ను థియేటర్లలో తప్పకుండా చూడాలి.
