OTR : తాతతో తంపులు తప్పవా? మనవరాలు ఎమ్మెల్యేకు కొత్త తలనొప్పి
- Follow Us :
-
-
Add as a preferred
source on google
తాతతో తంపులు తప్పవా…? ఈయన ఎక్కడొచ్చార్రా…. బాబూ… అంటూ మనవరాలు మొత్తుకుంటున్నారా? లోకల్ వార్కు ముందు తాత మిత్రపక్షంలో చేరడాన్ని ఎమ్మెల్యే అయిన మనవరాలు నెత్తిమీద కుంపటిలా ఫీలవుతున్నారా? ఎవరా తాతా మనవరాళ్ళు? ఏంటా రాజకీయ కుటుంబ కథా చిత్రమ్? ప్రత్తిపాడు మాజీ ఎమ్మెల్యే వరుపుల సుబ్బారావు… ఒకసారి కాంగ్రెస్, మరోసారి వైసీపీ తరపున ఇక్కడి నుంచి చట్ట సభకు వెళ్ళారాయన. 2024లో కూడా వైసీపీ తరపున పోటీ చేసి… తన మనవరాలు వరసయ్యే టీడీపీ అభ్యర్థి సత్యప్రభ చేతిలో ఓడిపోయారు. ఆ తర్వాత కాస్త అటు ఇటుగా ఉన్న వరుపుల గత వారం జనసేన కండువా కప్పుకున్నారు. స్థానిక సంస్థల ఎన్నికల ముంగిట్లో…. గ్లాస్ కండువా కప్పుకుంటే తన కుటుంబ సభ్యులతో పాటు అనుచరులకు కూడా ప్రాధాన్యం వస్తుందని లెక్కలేశారట ఈ సీనియర్ లీడర్. వరుసకు తాత, మనవరాలే అయినా… గత ఎన్నికల్లో సుబ్బారావు, సత్య ప్రభ ప్రత్యర్థులుగా ఉన్నారు. అంతకుముందు ఎన్నికల్లో సత్యప్రభ భర్త వరుపుల రాజా సుబ్బారావుతో పోటీపడ్డారు. రాజా చనిపోయాక పొలిటికల్ ఎంట్రీ ఇచ్చారు సత్యప్రభ. అయితే…. ఇప్పుడు తాత మిత్రపక్షంలో చేరడంఎమ్మెల్యేకి అంతగా ఇష్టం లేదట. అయినప్పటికీ అది జనసేన అంతర్గత వ్యవహారం కాబట్టి కామ్గా ఉన్నట్టు చెబుతున్నారు. నియోజకవర్గంలో సాధారణంగా ఎమ్మెల్యేదే డామినేషన్. కానీ సుబ్బారావు చేరికతో ప్రత్తిపాడు కూటమిలో కొత్త పేచీలు వస్తున్నాయట. దాంతో…. అసలు ఆయన వల్ల ఉపయోగం ఏముంది? రిటైర్మెంట్ వయసులో పార్టీమారి ఏం చేస్తారంటూ సత్యప్రభ వర్గం ప్రశ్నిస్తోందంటున్నారు. గత ఎన్నికల్లో ఇష్టం వచ్చినట్టు మాట్లాడిన వాళ్లను మిత్రపక్షం ఎలా ఎంకరేజ్ చేస్తుందని అడుగుతున్నారట. వైసీపీ ప్రభుత్వం ఉన్నప్పుడు వరుపుల రాజాపై లంపకలోవ సొసైటీలో అవకతవకలు జరిగాయని కేసు నమోదైంది. దాని వెనక అప్పట్లో సుబ్బారావు ప్రోత్సాహం ఉందన్నది సత్యప్రభ వర్గం డౌట్.
అలాంటి వారితో కలిసి ఎలా పనిచేయగలమని ప్రశ్నిస్తున్నట్టు తెలుస్తోంది. అదే సమయంలో టీడీపీలోని ఒక వర్గం కూడా.. తెర వెనక కథ నడిపి మాజీ ఎమ్మెల్యేకి జనసేనలోకి లైన్ క్లియర్ చేయించిందన్న అనుమానాలు సైతం ఉన్నాయి. మరోవైపు సుబ్బారావు మాత్రం రాజకీయాలంటే చాలా ఉంటాయని, అవకాశాలను ఒడిసి పట్టుకోవడంలోనే అసలు కిటుకు ఉంటుందంటూ గడుసుగా సమాధానం చెబుతున్నట్టు తెలిసింది. అవకాశం వచ్చినప్పుడు ఆ మాత్రం లీడ్ తీసుకోరా అంటూ రివర్స్ క్వశ్చన్ చేస్తున్నారట ఆయన. బంధుత్వం వేరు, రాజకీయం వేరంటూ కూల్గా సమాధానాలు చెప్తున్నారట ఆయన. ఇదంతా పక్కన పెడితే ప్రత్తిపాడు జనసేనకు కో ఆర్డినేటర్ ఎవరూ లేరు. ముద్రగడ పద్మనాభం కుమార్తె క్రాంతి పార్టీ బాధ్యతల కోసం ప్రయత్నిస్తున్నారు. అదే సమయంలో మేడిశెట్టి బాబి కూడా మరో వర్గంగా ఉన్నారు. అసలే నియోజకవర్గంలో పార్టీ రెండు షేడ్స్గా ఉంటే… మళ్ళీ సుబ్బారావు వచ్చి ఏం చేస్తారని జనసైనికుల్లోనే చర్చ జరుగుతోందట. ఆయన కూడా ఇంకో గ్రూపును క్రియేట్ చేస్తే గందరగోళం తప్ప ఏమీ ఉండదని అనుకుంటున్నారు. స్థానిక సంస్థల ఎన్నికల్లో కూటమి పొత్తులకు అనుగుణంగా సీట్ షేరింగ్ ఉంటుంది. దానికితోడు పార్టీలోనే మూడు వర్గాలంటే.. ఎవరు వచ్చి ఏం చేస్తారో అర్ధం కాదని అంటున్నారట. మొత్తానికి తాత గ్లాస్ పట్టుకోవడంతో మనవరాలైన ఎమ్మెల్యే అలా జరిగి ఉండకూడదని అంటున్నారట. ఆయనగారి లాజిక్కులు మ్యాజిక్కులతో కొత్త తలనొప్పులు వస్తాయని అనుచరుల దగ్గర ప్రస్తావిస్తున్నట్టు తెలుస్తోంది. అటు సుబ్బారావు మాత్రం తమ పార్టీ ప్రయారిటీ తమకు ఇచ్చి తీరాల్సిందేనని అప్పుడే సన్నాయి నొక్కులు నొక్కుతున్నారట. ఇప్పటికే నియోజకవర్గం జనసేనలో రెండు గ్రూపులు ఉండగా….ఇక మీదట కొత్త పంచాయతీలు తప్పవంటూ మానసికంగా సిద్దమైపోతున్నారట ప్రత్తిపాడు జనసైనికులు.
Also Read
- OTR: నేతల తన్నులాటలతోనే నందికొట్కూరులో టీడీపీ ఘోర ఓటమి?
- OTR: లెక్కలు మారుతున్నాయా? కంగారులో కూటమి.. వైసీపీ మాత్రం పక్కా లెక్కలతో ముందడుగు వేస్తుందా?
- OTR: చంద్రబాబుకు జనసేన ఫిర్యాదు.. బాపట్ల ఎమ్మెల్యే నరేంద్ర వర్మ కు అగ్నిపరీక్ష!
- OTR: తన బయోపిక్ పక్కన పెట్టి సోనియా గాంధీపై సినిమా? జగ్గారెడ్డి ప్లాన్ ఏంటి?
తాజావార్తలు
-
Cameras on Vegetable Vendors: కూరగాయల మార్కెట్లో AI కలకలం.. వ్యాపారుల తలపై వింత గ్యాడ్జెట్లు.. అసలేం జరుగుతోంది?
-
IND vs NZ 5th ODI: న్యూజిలాండ్ బౌలర్ల దెబ్బకు భారత్ అబ్బా.. 209 పరుగులకే ఆలౌట్!
-
Donald Trump: ట్రంప్కు కోర్టులో మరో షాక్.. వైట్హౌస్ సమీపంలోని గోల్ఫ్ కోర్స్ ప్రాజెక్టుపై బ్రేక్!
-
AP Cyclone Alert: బంగాళాఖాతంలో వాయుగుండం.. ఏపీకి మరో తుఫాన్ ముప్పు!
-
Toyota Innova Hycross Facelift: E100 ఇథనాల్ టెక్నాలజీతో నవంబర్ 25న కొత్త ఇన్నోవా హైక్రాస్ లాంచ్..!
ట్రెండింగ్
-
200MP+200MP కెమెరాలు, 100W ఫాస్ట్ ఛార్జింగ్, 1TB స్టోరేజ్ తో HONOR Magic9 Pro Max నవంబర్ 24న గ్లోబల్ లాంచ్..
-
200MP కెమెరా, 9000mAh బ్యాటరీలతో నవంబర్ 23న HONOR 700 సిరీస్ లాంచ్..!
-
RRB NTPC Recruitment: రైల్వేలో 1688 క్లర్క్, టికెట్ కలెక్టర్ ఉద్యోగాల భర్తీకి నోటిఫికేషన్.. నేడే చివరి తేదీ.! అప్లై చేసుకున్నారా.?
-
Birsa Munda : 25 ఏళ్లకే బ్రిటిష్ సామ్రాజ్యాన్ని వణికించాడు.. బిర్సా ముండా పోరాట గాథ
-
Virat Kohli: విరాట్ కోహ్లీ ఖాతాలో చెత్త రికార్డు.. మొదటి బ్యాటర్గా.. మరీ తక్కువ మ్యాచ్ల్లోనే!