Off the Record about Narayankhed Congress: రాజీ చేసినా కలవని నేతలు.. నారాయణఖేడ్ కాంగ్రెస్లో రగడ
- Follow Us :
-
-
Add as a preferred
source on google
సంగారెడ్డి జిల్లా నారాయణఖేడ్ కాంగ్రెస్ పార్టీలో వర్గవిభేదాల గురించి ఎంత తక్కువ చెప్పుకొంటే అంత మంచింది. ఇక్కడ మాజీ ఎంపీ సురేష్ షెట్కార్, పీసీసీ నేత సంజీవ్రెడ్డి మధ్య ఒక్క క్షణం పడటం లేదు. ఇద్దరి మధ్య పచ్చగడ్డి వేస్తే భగ్గుమంటోంది. నారాయణఖేడ్లో కాంగ్రెస్ టికెట్ కోసం ఇద్దరూ తీవ్రంగా పోటీ పడుతున్నారు. తండ్రుల వారసత్వంతో రాజకీయం చేస్తూ.. దానిని కొత్త పుంతలు తొక్కిస్తున్నారు. 2016లో అప్పటి ఎమ్మెల్యే కిష్టారెడ్డి చనిపోవడంతో.. ఇక్కడ కాంగ్రెస్లో మొదలైన జగడం ఆరని చిచ్చులా రగులుతూనే ఉంది. ఆనాటి ఉపఎన్నికలో నారాయణఖేడ్ గెలిచే సీటు అని పార్టీ భావించినా.. ఇద్దరు నేతల మధ్య ఉన్న గ్యాప్తో చేజారిపోయింది. తర్వాత 2018 అసెంబ్లీ ఎన్నికల్లోనూ అదే రిపీటైంది. కాంగ్రెస్ టికెట్ సురేష్ షెట్కార్కు ఇవ్వడంతో అలిగి బీజేపీలోకి వెళ్లారు కిష్టారెడ్డి కుమారుడు సంజీవ్రెడ్డి. ఆ తర్వాత సంజీవ్రెడ్డి కాంగ్రెస్లోకి రీఎంట్రీ ఇచ్చారు. మళ్లీ వర్గపోరు షురూ. పార్టీ తరఫున ఏ కార్యక్రమం చేపట్టాలన్నా ఇద్దరూ ఎడముఖం పెడముఖమే. కలిసి సాగిన సందర్భాలు లేవంటాయి పార్టీ వర్గాలు.
Also Read
చివరకు రాహుల్గాంధీ భారత్ జోడో యాత్ర సమయంలోనూ సురేష్ షెట్కార్, సంజీవ్రెడ్డి మధ్య విభేదాలు ముదురుపాకాన పడటంతో మాజీ డిప్యూటీ సీఎం దామోదర రాజనర్సింహ రాజీ చేశారు. అయినా మాట వింటేనా.. రాహుల్ పాదయాత్రలోనూ వీధి పోరాటానికి దిగారు. రాహుల్ ఎదుటే పోటాపోటీగా నినాదాలు చేసుకున్నాయి రెండు వర్గాలు. తాజాగా ధరణి సమస్యలపై నియోజకవర్గ కేంద్రాల్లో నిరసనలకు పిలుపిచ్చింది టీపీసీసీ. అందులోనూ ఎవరి కుంపటి వాళ్లదే. ఒకటే కార్యక్రమం అయినా.. వేర్వేరుగా ఆందోళనలు నిర్వహించారు. ఆర్డీవోకు వినతిపత్రాలు ఇచ్చేందుకు కూడా వేర్వేరు మార్గాలనే ఎంచుకున్నారు. ఎవరి అనుచరులను వాళ్లు తీసుకెళ్లి వినతిపత్రాలు అందజేశారు. ఒకటే నియోజకవర్గం.. ఒకటే కార్యక్రమం అయినప్పటికీ.. పార్టీ నుంచి రెండు వినతిపత్రాలు ఆర్డీవోకు ఇవ్వడం నారాయణఖేడ్ కాంగ్రెస్కే చెల్లింది. కాంగ్రెస్ పెద్దలు.. సన్నిహితులు చెప్పినా.. సురేష్, సంజీవ్రెడ్డి మధ్య వర్గపోరు సెగలు చల్లారడం లేదు. వచ్చే ఎన్నికల్లో టికెటే లక్ష్యంగా ఎత్తుగడలు వేస్తున్నారు. మరి.. అధిష్ఠానం వీరిని బుజ్జగిస్తుందా.. లేక నాన్చి నాన్చి చేతులు కాల్చుకుంటుందో చూడాలి.
తాజావార్తలు
-
Jagga Reddy: సోనియా గాంధీ ఆత్మకథ ఆధారంగా సినిమా తీస్తా.. అప్పుడే రిలీజ్ చేస్తా..
-
Sam Pitroda Praises PM Modi: ప్రధాని మోడీపై సామ్ పిట్రోడా ప్రశంసలు.. ‘దయగల, కష్టపడే వ్యక్తి’ అంటూ కీలక వ్యాఖ్యలు
-
AP Municipal Elections 2026: ఏపీలో ఎన్నికల సందడి.. 23 పట్టణ స్థానిక సంస్థల ఎన్నికలకు నోటిఫికేషన్..
-
ICC కీలక నిర్ణయాలపై ఉత్కంఠ.. వరల్డ్ టెస్ట్ ఛాంపియన్షిప్లో కీలక మార్పులు.. 12 జట్లతో ప్లాన్.?
-
PM Modi: 2047 డెడ్లైన్.. భారత్ను అభివృద్ధి చెందిన దేశంగా తీర్చిదిద్దుతాం.. మీడియాపై ఆసక్తికర వ్యాఖ్యలు
ట్రెండింగ్
-
Moringa Soup: ఖరీదైన స్కిన్ కేర్ ప్రొడక్ట్స్ వద్దు.. వింటర్లో బుగ్గలపై సహజమైన ఎరుపుదనం తెచ్చే సూప్ ఇదే..
-
Cigarette Prices Hike: ధూమపాన ప్రియులకు షాక్.. మరోసారి సిగరెట్ల ధరల బాదుడు..! ఒక్క ప్యాకెట్పై ఏకంగా..
-
Kusal Mendis: విమర్శకుల నోళ్లు మూయించిన కుశాల్ మెండిస్.. 13,000 పరుగుల మైలురాయిని అందుకున్న ఆటగాడిగా ఘనత..!
-
Rohit Sharma: ముంబై ఇండియన్స్కి మరోసారి కెప్టెన్గా రోహితేనా..? స్టార్ ప్లేయర్ నోరుజారడంతో లీకైన అసలు మ్యాటర్..
-
Airtel Beats Jio: జియోకు షాకిచ్చిన ఎయిర్టెల్.. బ్రాడ్బ్యాండ్ స్పీడ్, నెట్వర్క్ క్వాలిటీలో నెం.1గా..!