Dangerous Social Media Reel: ఇలా తయారేంట్రా..! రీల్ కోసం తండ్రి ప్రాణాలతో చెలగాటం ఆడిన కూతురు..
- Follow Us :
-
-
Add as a preferred
source on google
Dangerous Social Media Reel: సోషల్ మీడియా ఎంతలా ప్రభావితం చేస్తుందంటే.. ఏదో ఒకటి చేసేసి ఫేమస్ అయిపోవాలని చూసేవారి సంఖ్య పెరిగిపోతుంది.. తాజాగా ఓ యువతి.. రీల్ కోసం తన తండ్రి ప్రాణాలతో చెలగాటం ఆడిన ఘటన కలకలం రేపుతోంది.. ప్రయాణానికి బస్సు టికెట్లు దొరకలేదని, తండ్రిని ఒక గోనె బస్తాలో కుక్కి, కొరియర్ ఆఫీసుకు తీసుకెళ్లింది కూతురు.. అయితే, కొరియర్ ఆఫీసులో ఆ బస్తాలో ఏదో కదులుతున్నదని గమనించిన సిబ్బంది, అనుమానంతో మూటను విప్పి చూశారు. అంతే కాదు.. మూట నుంచి వచ్చి ఆ వ్యక్తిని చూసి అంతా నోరువెల్లబెట్టారు.. ఇదేమిటి? అని, ఆ కుటుంబాన్ని నిలదీయగా, “టికెట్లు దొరకకపోతే, ఇంతకంటే ఏం చేస్తాం? ఆయన్ని పార్సిల్ చేయాల్సిందే” అని వాదించారు ఆ కుటుంబసభ్యులు. ఇక, సమాచారం అందుకున్న పోలీసులు అక్కడికి చేరుకుని.. ప్రశ్నించగా.. అదేం లేదు.. రీల్ కోసం ఇలా చేశామని చెప్పారు ఆ కుటుంబ సభ్యులు.. ఈ విషయం విని ఏం మాట్లాడాలో కూడా తెలియక షాక్ అయ్యారు పోలీసులు.. మొత్తంగా ఇప్పుడు ఈ ఘటన సోషల్ మీడియాలో వైరల్గా మారిపోయింది.. ఇంతకీ ఆ ఫ్యామిలీ.. రీల్ కోసమే ఇలా చేసిందా? ముఠ నుంచి బయటకు వచ్చిన ఆ వ్యక్తి ఫీలింగ్స్ చూస్తుంటే.. ఇంకా ఏదైనా ఉందా? అనే అనుమానాలు వ్యక్తం చేస్తున్నారు నెటిజన్లు..