Prabhas: ప్రభాస్ కోసం ‘రాజాసాబ్’ వెయిటింగ్ మోడ్!

పాన్-ఇండియా స్టార్ ప్రభాస్ నటిస్తున్న రాబోయే చిత్రం ‘ది రాజా సాబ్’ గురించి అభిమానుల్లో ఉత్కంఠ రోజురోజుకు పెరిగిపోతోంది. దర్శకుడు మారుతి రూపొందిస్తున్న ఈ హారర్ కామెడీ చిత్రం షూటింగ్ ప్రస్తుతం జరుగుతున్నప్పటికీ, ఇంకా సగం (50%) పూర్తి కావాల్సి ఉందని తాజా సమాచారం. ఈ పరిస్థితిలో ప్రభాస్ డేట్స్ ఇవ్వకపోతే షూటింగ్ ముందుకు సాగడం కష్టమని టాక్ వినిపిస్తోంది. ‘రాజాసాబ్’ చిత్రం షూటింగ్ గత కొంతకాలంగా వివిధ దశల్లో సాగుతోంది. 2022 అక్టోబర్‌లో ప్రారంభమైన ఈ సినిమా షూటింగ్ జరుగుతూ వచ్చింది. అయితే, ప్రభాస్ ఇతర ప్రాజెక్టులతో బిజీగా ఉండటం వల్ల ఈ సినిమాకు పూర్తి సమయం కేటాయించలేకపోతున్నారని సమాచారం. ఇప్పటివరకు టాకీ భాగంలో 80-85% పూర్తయినట్లు వార్తలు వచ్చినప్పటికీ, ఇంకా కీలక సన్నివేశాలు, కొన్ని పాటల షూటింగ్ బ్యాలెన్స్ ఉన్నాయని తెలుస్తోంది. ప్రస్తుతం ప్రభాస్ హను రాఘవపూడి దర్శకత్వంలో తెరకెక్కుతున్న ‘ఫౌజీ’ చిత్రంలో నటిస్తున్నారు. ఈ సినిమా షూటింగ్ కూడా వేగంగా జరుగుతుండటంతో, ‘రాజా సాబ్ కి ఆయన పూర్తి డేట్స్ ఇవ్వడం ఆలస్యమవుతోంది.

Hari Hara Veeramallu: అన్ని కళ్ళు పవన్ వైపే… కానీ?

ఇదే సమయంలో బాడీ డబుల్‌ని ఉపయోగించి కొన్ని సన్నివేశాలను చిత్రీకరించినప్పటికీ, ప్రభాస్ స్వయంగా హాజరైతేనే షూటింగ్ సాఫీగా సాగుతుందని చిత్ర బృందం భావిస్తోంది. ప్రభాస్ బిజీ షెడ్యూల్ వల్ల షూటింగ్ ఆలస్యం కావడంతో మారుతి సినిమా పూర్తి చేయడంలో టీం ఒత్తిడిని ఎదుర్కొంటున్నారు. ఈ సినిమాలో మాలవికా మోహనన్, నిధి అగర్వాల్, రిద్ధి కుమార్ వంటి వారు కీలక పాత్రల్లో నటిస్తున్నారు. అలాగే, సంజయ్ దత్, యోగి బాబు వంటి ప్రముఖ నటులు కూడా భాగం కానున్నారు. ప్రభాస్ ప్రస్తుతం ‘ఫౌజీ’ చిత్రంతో పాటు, సందీప్ రెడ్డి వంగా దర్శకత్వంలో ‘స్పిరిట్’, ‘సలార్ 2’, ‘కల్కి 2898 ఏడీ 2’ వంటి భారీ ప్రాజెక్టులతో బిజీగా ఉన్నారు. ఈ నేపథ్యంలో ‘రాజాసాబ్’కి ఆయన ఎప్పుడు పూర్తి డేట్స్ కేటాయిస్తారనేది పెద్ద ప్రశ్నగా మారింది. ‘రాజాసాబ్’ చిత్రం ప్రభాస్‌ని ఒక విభిన్నమైన పాత్రలో చూపించనుందని, ఇందులో భారీ VFX పనులు ఉంటాయని చిత్ర యూనిట్ ఇప్పటికే సూచనలు ఇచ్చింది. తమన్ సంగీతం అందిస్తున్న ఈ సినిమా, తెలుగుతో పాటు తమిళం, కన్నడం, మలయాళం, హిందీ భాషల్లో విడుదల కానుంది.