SSMB 29: మహేష్ కోసం ప్రియాంకని దింపడం వెనుక ఇంత స్కెచ్ ఉందా ?

సూపర్ స్టార్ మహేష్ బాబు హీరోగా రాజమౌళి దర్శకత్వంలో ఒక సినిమా తెరకెక్కుతున్న సంగతి తెలిసిందే. ప్రస్తుతానికి ఈ సినిమాకి సంబంధించిన టైటిల్ ఫిక్స్ చేయలేదు కానీ ఈ సినిమాకి సంబంధించి పూర్తి వివరాలు మాత్రం బయటకు రానీయకుండా చూసుకుంటున్నారు. ఇప్పటికే ఈ సినిమాకి సంబంధించిన పూజా కార్యక్రమాలు పూర్తయ్యాయి. సైలెంట్ గా షూట్ కూడా చేస్తున్నారు. అయితే ఈ సినిమాకి సంబంధించి ఒక ఆసక్తికరమైన విషయం వెలుగులోకి వచ్చింది. అదేంటంటే ఈ సినిమాలో ప్రియాంక చోప్రాను తీసుకోవడానికి కారణం పెద్దదే అని తెలుస్తోంది. రాజమౌళి గత చిత్రం ఆర్ఆర్ఆర్ సినిమాకి ఒక ఆస్కార్ అవార్డు లభించిన సంగతి తెలిసిందే. బెస్ట్ ఒరిజినల్ స్కోర్ కేటగిరీలో ఈ సినిమాకి అవార్డు లభించింది. అయితే ఆ అవార్డుని అమెరికా కుర్రాడిని పెళ్లి చేసుకుని హాలీవుడ్లో సెటిల్ అయిన ప్రియాంక చోప్రాకి చెందిన ఏజెన్సీ ద్వారానే అప్లై చేసినట్లుగా చెబుతున్నారు.

SSMB 29: మహేష్ – ప్రియాంక విత్ బాలీవుడ్ హీరో.. సైలెంటుగా పని కానిస్తున్న జక్కన్న

ఆస్కార్ రావడానికి వెనుక ప్రియాంక చోప్రా ఏజెన్సీ కృషి కూడా గట్టిగానే ఉందనే వాదన వినిపిస్తోంది. దానికి కృతజ్ఞతగా రాజమౌళి ఆమెను ఈ సినిమాలోకి తీసుకున్నారని అంటున్నారు. ఇలా తీసుకోవడానికి కూడా ఒక కీలకమైన కారణం ఉందని అంటున్నారు. అదేంటంటే తన సొంత సినిమా కాకపోయినా తన ఏజెన్సీ ద్వారా ప్రియాంక చోప్రా ఆర్ఆర్ఆర్ సినిమాని గట్టిగా ప్రమోట్ చేయించి ఆస్కార్ స్థాయికి తీసుకువెళ్లింది. అదే ఆమె స్వయంగా నటించిన సినిమా అయితే ఇంకా చాలా జాగ్రత్తలు తీసుకుని దాన్ని మరింత పుష్ చేయడానికి ఆస్కారం ఉంటుంది. దానికి తోడు ప్రియాంక చోప్రా ప్రస్తుతం హాలీవుడ్ లో చక్రం తిప్పుతోంది. ఆమెకు అక్కడ మంచి క్రేజ్ ఏర్పడింది కూడా. కాబట్టి ఆమెను రాజమౌళి తెలివిగా ఈ సినిమాలో భాగం చేశారనే ప్రచారం జరుగుతోంది. అయితే అందులో నిజా నిజాలు ఎంతవరకు ఉన్నాయో తెలియదు ప్రస్తుతం ఈ సినిమాకి సంబంధించిన షూటింగ్ అల్యూమినియం ఫ్యాక్టరీలో జరుగుతోంది. మహేష్ బాబు, ప్రియాంక చోప్రా సహా జాన్ అబ్రహంల మీద సీన్స్ షూట్ చేస్తున్నట్లుగా తెలుస్తోంది.