సీనియర్ నటుడు దివంగత రాజేష్ కుమార్తె అయిన ఐశ్వర్య రాజేష్, తమిళ సినీ రంగంలో హీరోయిన్గా ఎంట్రీ ఇచ్చి దాదాపు 35 సినిమాలు చేసింది. తెలుగులో కూడా ఆమె చేసిన ఆరవ సినిమా ‘బోసు కుమారి’ రేపు ప్రేక్షకుల ముందుకు రాబోతోంది. ఈ సందర్భంగా ఆమె మీడియాతో ముచ్చటించింది.
ఈ క్రమంలోనే తాను హీరోయిన్గా ఎంట్రీ ఇస్తున్న మొదట్లో, తనను హీరోయిన్ లైఫ్ టైం చాలా తక్కువ అని, మూడు నాలుగేళ్లు మాత్రమే ఉంటుందని భయపెట్టారని ఆమె చెప్పుకొచ్చింది. ఆ భయం కారణంగానే చాలా తక్కువ సమయంలోనే ఎక్కువ సినిమాలు తాను చేసినట్లు ఆమె వెల్లడించింది. తన కెరియర్లో 35 తమిళ సినిమాలు చేశానని, తెలుగులో రేపు ఆరవ సినిమా రిలీజ్ అవుతోందని ఆమె చెప్పుకొచ్చింది. అలాగే మలయాళంలో కూడా మరొక ఐదు సినిమాలు తాను చేసినట్లు ఆమె వెల్లడించారు.
నిజంగానే వాళ్ళు చెప్పినట్లుగా హీరోయిన్ లైఫ్ చాలా తక్కువ ఉంటుందేమో అని తాను భయపడ్డానని, ఆ భయంతోనే ఎక్కువ సినిమాలు—అవి క్యారెక్టర్ రోల్స్ అయినా కూడా—చేసేశానని ఆమె చెప్పుకొచ్చింది. మంచి పాత్ర పడితే హీరోయిన్ అని చూసుకోకుండా, ‘టక్ జగదీష్’ లాంటి సినిమాలలో మంచి పాత్రలలో కూడా తాను నటించినట్లు ఆమె చెప్పుకొచ్చారు. తనలో పెట్టిన భయం వల్లే తక్కువ సమయంలో ఎక్కువ సినిమాలు చేశానని ఆమె అన్నారు.