Kaleru Venkatesh: ఎన్నికల ప్రచారంలో బ్రహ్మరథం పడుతున్న మహిళలు, యువకులు

Kaleru Venkatesh: అంబర్పేట ఎమ్మెల్యే బీఆర్ఎస్ అభ్యర్థి కాలేరు వెంకటేష్.. బాగ్ అంబర్పేట డివిజన్లోని తురాభ్ నగర్, ఎరుకల బస్తీలో ప్రచారం నిర్వహించారు. ప్రచారంలో భాగంగా.. డివిజన్ ప్రెసిడెంట్ చంద్రమోహన్, మహిళా నాయకులు, ముఖ్య నేతలు, కార్యకర్తలతో కలిసి ఎన్నికల ప్రచార పాదయాత్ర నిర్వహించారు. ఈ ప్రచారంలో బస్తీ వాసులు కాలేరు వెంకటేష్ కు గులాబీ పూలతో పూలవర్షం కురిపిస్తూ స్వాగతం పలికారు. అంతేకాకుండా.. మహిళలు మంగళహారతులు పడుతూ ఘన స్వాగతం పలికారు.

Read Also: Balka Suman: కాంగ్రెస్ పార్టీ వస్తే సామంతరాజుల పాలన వస్తుంది.

బాగ్ అంబర్ పేట ఎన్నికల ప్రచార పాదయాత్రలో ప్రజలు ముఖ్యంగా యువకులు, మహిళలు పాల్గొన్నారు. ఎమ్మెల్యే కాలేరు వెంకటేష్ కు బ్రహ్మరథం పడుతూ కోలాహల వాతావరణంలో ముందుండి నడుస్తూ, బీఆర్ఎస్ ప్రచార బాధ్యతలు నిర్వహించారు. ఈ సందర్భంగా.. కాలేరు వెంకటేశ్ ప్రజలందరితో మమేకమవుతూ.. ఇంటింటికీ వెళ్లి ప్రతి ఒక్కరినీ పలుకరిస్తూ, సీఎం కేసీఆర్‌ ప్రవేశపెట్టిన సంక్షేమ పథకాలను వివరిస్తూ ఓట్లను అభ్యర్థిస్తూ ఓటర్లను ఆకట్టుకున్నారు. అంబర్పేటలో గత ఐదేళ్లలో జరిగిన అభివృద్ధిని చూసి ప్రజలు నీరాజనం పడుతున్నారని చెప్పారు. బీఆర్ఎస్ తోనే భరోసా వస్తుందని తెలిపారు. ఈ సందర్బంగా గోల్నాక డివిజన్ లోని కాంగ్రెస్ పార్టీ మైనారిటీ నాయకులు.. మొహ్మద్ అక్బరుద్దీన్, ఇమ్రాన్, సమీర్, మహిళలు పెద్ద ఎత్తున బీఆర్ఎస్ పార్టీలో చేరారు. వారికి గులాబీ కండువా కప్పి కాలేరు వెంకటేష్ పార్టీలోకి ఆహ్వానించారు.

Read Also: Road Accident: పండగ పూట తీవ్ర విషాదం.. రోడ్డు ప్రమాదంలో ఇద్దరు చిన్నారులు మృతి