Ghaziabad: రోడ్డుపై నగ్నంగా తిరిగిన మహిళ.. పోలీసుల గాలింపు

యూపీలోని ఘజియాబాద్‌లో ఓ మహిళ రోడ్డుపై నగ్నంగా తిరిగింది. అందుకు సంబంధించిన వీడియో సోషల్ మీడియాలో వైరల్ అయింది. ఈ ఘటన మోహన్ నగర్ ప్రాంతంలో చోటు చేసుకుంది. ఒక మహిళ రోడ్డు మధ్యలో నగ్నంగా నడుచుకుంటూ వెళ్లడం వీడియోలో కనిపిస్తుంది. అయితే.. ఆమె ఎవరు, అలా ఎందుకు తిరిగిందో అనే దానిపై పోలీసులు ఆరా తీస్తున్నారు. ఆ వీడియో ఎప్పటిది అనేది కూడా ఆరా తీస్తున్నారు. ప్రాథమిక విచారణ అనంతరం ఈ వీడియో పాతది కావొచ్చని పోలీసులు చెబుతున్నారు.

Read Also: IND vs ENG: కాసేపట్లో మ్యాచ్.. కురుస్తున్న వర్షం

బుధవారం రాత్రి సోషల్ మీడియాలో ఈ వీడియో వేగంగా వైరల్ అయింది. ఆ మహిళ తన ముందు భాగాన్ని దాచుకోవడానికి ప్రయత్నిస్తున్నట్లు వీడియోలో చూడొచ్చు. అంతేకాకుండా.. ఆమె జుట్టు చిందరవందరగా ఉండటం కనిపిస్తోంది. కేవలం 10 సెకన్ల ఈ వీడియోలో.. ఆటోలు, ఇతర వాహనాలు రహదారిపై వెళ్తున్నట్లు చూడొచ్చు. మోహన్‌నగర్ ప్రాంతమంతా ఎప్పటికీ రద్దీగా ఉంటుంది. అయితే.. ఈ వీడియో చీకటి పడుతున్నప్పుడు తీసింది. కాగా.. ఈ వీడియోపై పోలీసులు విచారణ జరుపుతున్నారు. ఈ వీడియో ఎప్పుడు, ఎక్కడ తీశారు. ఆ మహిళ ఎవరు, ఎక్కడి నుంచి వెళుతున్నారు అనే విషయాలపై దర్యాప్తు చేస్తున్నట్లు ఏసీపీ రజనీష్ ఉపాధ్యాయ తెలిపారు. విచారణ తర్వాతే అసలు విషయాలు బయటపడనున్నాయని పేర్కొన్నారు.

Read Also: Prakasam District: అటవీశాఖ అధికారులకు చుక్కలు చూపిస్తున్న చిరుత

మోహన్ నగర్ మెట్రో స్టేషన్ సమీపంలో సీసీటీవీ కెమెరాలను ఐదు రోజులుగా తనిఖీ చేసినా ఈ ఘటనకు సంబంధించిన విషయం ఏమీ లేదని ఏసీపీ చెప్పారు. ఈ వీడియోలో చూపిన లొకేషన్ ప్రస్తుత పరిస్థితులతో పోల్చితే.. చాలా మార్పులు కనిపిస్తున్నాయన్నారు. దీన్ని బట్టి చూస్తే ఈ వీడియో ఇప్పటిది కాదని పాతదే అన్నారు. ఆ వీడియో ఎప్పటి నుంచి వచ్చిందో తెలుసుకునేందుకు ప్రయత్నాలు చేస్తున్నారు. విచారణ ఆధారంగా తదుపరి చర్యలు తీసుకోనున్నట్లు తెలిపారు.