vivo Y11 5G & Y21 5G Launch: వివో ఇండియా (Vivo India) స్మార్ట్ ఫోన్ మార్కెట్లో ‘Y’ సిరీస్ను విస్తరిస్తూ కొత్తగా రెండు స్మార్ట్ఫోన్లను లాంచ్ చేసింది. vivo Y21 5G & vivo Y11 5G పేర్లతో వచ్చిన ఈ మొబైల్స్ దీర్ఘకాల బ్యాటరీ, బలమైన నిర్మాణం, రోజువారీ పనులకు సరిపోయే పనితీరుకు అనుగుణంగా డిజైన్ చేయబడ్డాయి. ఈ ఫోన్లు ‘గ్రేటర్ నోయిడా’ తయారీ కేంద్రంలో తయారవ్వడం విశేషం.
ఈ రెండు ఫోన్లలో చాలా ఫీచర్లు ఒకేలా ఉన్నప్పటికీ, కొన్ని కీలక తేడాలు ఉన్నాయి. రెండు ఫోన్లలో 6.74 అంగుళాల HD+ డిస్ప్లే, 120Hz రిఫ్రెష్ రేట్ ఉంది. ప్రాసెసర్గా మీడియాటెక్ డిమెంసిటీ 6300 (MediaTek Dimensity 6300) ఉపయోగించారు. కెమెరా విషయానికి వస్తే, Y21 5Gలో 50MP మెయిన్ కెమెరా ఉండగా, Y11 5Gలో 13MP కెమెరా ఉంది. రెండు ఫోన్లలోనూ 5MP ఫ్రంట్ కెమెరా ఉంటుంది.
ఈ ఫోన్లలో ప్రధాన హైలైట్ 6500mAh భారీ బ్యాటరీ. కంపెనీ ప్రకారం బ్యాటరీ 48 గంటలకుపైగా వీడియో ప్లేబ్యాక్ లేదా 80 గంటల మ్యూజిక్ ప్లేబ్యాక్ అందిస్తుంది. అంతేకాదు 5 సంవత్సరాల వరకు బ్యాటరీ హెల్త్ గ్యారెంటీ ఇస్తోంది కంపెనీ. చార్జింగ్ విషయానికి వస్తే.. Y21 5Gలో 44W ఫాస్ట్ చార్జింగ్, Y11 5Gలో 15W చార్జింగ్ సపోర్ట్ లభిస్తుంది. ఇంకా ఈ రెండు ఫోన్లు IP65 రేటింగ్తో డస్ట్ & వాటర్ స్ప్లాష్ నుంచి రక్షణ ఇస్తాయి. అలాగే SGS మిలిటరీ గ్రేడ్ షాక్ రెసిస్టెన్స్ సర్టిఫికేషన్ ఉంది.
ఇంకా ఇందులో మ్యాట్ ఫినిష్ ఫ్రేమ్, కాంపోజిట్ బ్యాక్ కవర్ తో పాటు సైడ్ మౌంటెడ్ ఫింగర్ ప్రింట్ సెన్సార్ అందించారు. అలాగే వీటిలో 6.74 అంగుళాల డిస్ప్లే 120Hz రిఫ్రెష్ రేట్తో పాటు 1200 నిట్స్ వరకు బ్రైట్నెస్ ఇస్తుంది. TÜV Rheinland లో బ్లూ లైట్ సర్టిఫికేషన్ వల్ల కళ్లకు తక్కువ ఒత్తిడి ఉంటుంది. ఈ ఫోన్లు OriginOS 6 పై పనిచేస్తాయి. ఇది ఆండ్రాయిడ్ 16 ఆధారంగా రూపొందించబడింది. గూగుల్ జెమినీ, AI ఫోటో ఎన్హన్స్, AI డాక్యుమెంట్స్, సర్కిల్ టూ సెర్చ్ విత్ గూగుల్ వంటి AI ఫీచర్లు కలిగి ఉన్నాయి. వీటికి అదనంగా 5G USB టైప్-C, బ్లూటూత్ 5.4 వంటి ఫీచర్లు ఉన్నాయి.
ధరలు :
vivo Y21 5G ధరలు:
* 4GB + 128GB: రూ. 18,999
* 6GB + 128GB: రూ. 20,999
* 8GB + 128GB: రూ. 22,999
vivo Y11 5G ధరలు:
* 4GB + 64GB: రూ. 14,999
* 4GB + 128GB: రూ. 16,999
Sravanthi Chokkarapu: పాత వీడియోలతో కుట్ర.. యాంకర్ స్రవంతి సంచలన వివరణ
ఈ ఫోన్లు వివో అధికారిక వెబ్సైట్, ఫ్లిప్కార్ట్, రిటైల్ స్టోర్లలో అందుబాటులో ఉన్నాయి. లాంచ్ ఆఫర్లలో భాగంగా Y21 5Gపై రూ.1,500 వరకు ఇన్స్టంట్ క్యాష్బ్యాక్, Y11 5Gపై రూ.1,000 వరకు క్యాష్బ్యాక్, 8 నెలల వరకు జీరో డౌన్ పేమెంట్ ఆప్షన్, Jio ప్రత్యేక ఆఫర్ కింద రూ.1,199 ప్లాన్పై 2 నెలల పాటు 10 OTT యాప్స్ ఉచితం, V-Shield ప్రొటెక్షన్ ప్లాన్, ఫ్రీ సర్వీస్ డేస్ వంటివి లభిస్తాయి.
