Varun Tej: ‘బరి’ షూటింగ్లో వరుణ్ తేజ్కు అనుకోని ప్రమాదం!
మెగా ప్రిన్స్ వరుణ్ తేజ్ నటిస్తున్న లేటెస్ట్ స్పోర్ట్స్ డ్రామా ‘బరి’ సెట్స్లో ఊహించని ప్రమాదం జరిగింది. వాలీబాల్ ప్లేయర్గా పర్ఫెక్ట్ లుక్ కోసం గత ఏడు నెలలుగా కఠినమైన శిక్షణ తీసుకుంటున్న వరుణ్, ప్రాక్టీస్ సెషన్లో ఆడుతుండగా కాలికి తీవ్రంగా గాయపడ్డారు. గాయం తీవ్రత ఎక్కువగా ఉండటంతో వైద్యులు సర్జరీ చేయాలని నిర్ణయించారు. దీనికోసం నేడు హైదరాబాద్లోని అపోలో ఆసుపత్రిలో ఆయనకు శస్త్రచికిత్స జరగనుంది. సినిమా పట్ల ఆయన చూపిస్తున్న డెడికేషన్ చూసి మెచ్చుకుంటున్నప్పటికీ, ఇలా గాయపడటం అభిమానులను కలవరపెడుతోంది.
Also Read : Rajasekhar:కూతుళ్ల పెళ్లిపై రాజశేఖర్ ఓపెన్ కామెంట్స్!
సర్జరీ తర్వాత వరుణ్ తేజ్ కనీసం కొన్ని వారాల పాటు పూర్తి విశ్రాంతి తీసుకోవాలని డాక్టర్లు సూచించారు. దీంతో ‘బరి’ సినిమా షూటింగ్ను ప్రస్తుతానికి నిలిపివేశారు. వరుణ్ పూర్తిగా కోలుకున్న తర్వాతే మళ్లీ సెట్స్లోకి అడుగుపెట్టనున్నారు. ప్రస్తుతం మెగా కుటుంబ సభ్యులు, మెగా ఫ్యాన్స్ అంతా ఆయన త్వరగా కోలుకోవాలని సోషల్ మీడియా వేదికగా కోరుకుంటున్నారు. సినిమా కోసం అంతలా కష్టపడి ప్రాక్టీస్ చేస్తున్న సమయంలో ఇలాంటి ప్రమాదం జరగడం అటు చిత్ర యూనిట్ను, ఇటు మెగా అభిమానులను కలవరపెడుతోంది. సర్జరీ విజయవంతంగా ముగిసి, ఆయన మళ్ళీ మాస్ లుక్లో సెట్స్లో అడుగుపెట్టాలని అందరూ ఆకాంక్షిస్తున్నారు.