Tulasi farming : తులసి సాగులో తీసుకోవాల్సిన జాగ్రత్తలు..

తులసి మన ఆరోగ్యానికి చేసే మేలు గురించి ప్రత్యేకంగా చెప్పాల్సిన పని లేదు.. ఎన్నో దీర్ఘ కాలిక రోగాలను నయం చేస్తుంది.. అలాగే ఆయుర్వేదంలో కూడా తులసిని ఎక్కువగా వాడుతారు.. ఇంకా సౌందర్య సాధనాలు, టూత్ పేస్టు లలో కూడా వాడుతారు.కాలుష్యాన్ని పోగొట్టి వాతావరణాన్ని శుభ్రపరుస్తుంది. అందుకే రైతులు ఎక్కువగా తులసిని సాగు చెయ్యడానికి ముందుకు వస్తున్నారు.తులసి తైలముతో డెంటల్ క్రీములు, టూత్ పేస్టులు తయారుచేస్తారు.. అందుకే తులసికి ఏడాది పొడవునా డిమాండ్ ఉంటుంది..

మార్కెట్ లో మంచి డిమాండ్ ఉండటంతో రైతులు కూడా దీని సాగు చేపట్టేందుకు ఆసక్తి చూపిస్తున్నారు.. థాయిలాండ్ , గ్వాటిమాలా, కొన్ని ఆఫ్రికా దేశాలలో తులసి వాణిజ్య సరళిలో సాగవుతుంది. మనదేశంలో ఉత్తరప్రదేశ్ లోని రాంపుర, చందౌసీ, కనేజ్, లక్నో, తదితర ప్రాంతాలలో ఎక్కువగా పండిస్తున్నారు. అన్ని రకములైన భూములలోని ఇది ప్రకృతి సిద్ధంగానే సాగు చేయవచ్చు. నీరునిలిచే ప్రదేశాలు పనికిరావు. పర్వత ప్రాంతాలు, మైదాన ప్రాంతాలలో తులసి సాగుకు అనుకూలం..

భూమిని ఒకసారి లోతుగా దున్నుకొని పశువుల ఎరువు వేసి, భూమిలో బాగా కలిసేట్లు దున్నుకోవాలి. మొక్కలు నాటే ముందు తిరిగి దున్నుకొని రసాయనిక ఎరువువేసి నాగలితో సాళ్లు తోలుకోవాలి. తయారుచేసుకొన్న భూమిలో 40 సెం.మీ 40 సెం.మీ అంతరంలో మొక్కలను నాటుకోవాలి.. ఇలా చేస్తే తెగుళ్లు కూడా రాకుండా ఉంటాయి.. మొక్కలు నాటిన 30 రోజులకు ఒకసారి, 60 రోజుల తరువాత మరొకసారి కలుపు తీసుకోవాలి. ఆ తరువాత మొక్కలు పెరిగి విస్తరించబడిన కలుపు తీసుకొని ఎరువులు వేస్తుండాలి.. ఇక అలాగే వాతావరణాన్ని బట్టి నీళ్లను పెడుతూ ఉండాలి.. మార్కెట్ అవసరాన్ని బట్టి కోతలను కొయ్యాలి.. అప్పుడే మంచి దిగుబడిని పొందుతారు..