TSRTC : త్వరలో హైదరాబాద్లో ఏసీ ఎలక్ట్రిక్ బస్సులు
- Follow Us :
-
-
Add as a preferred
source on google
తెలంగాణ రాష్ట్ర రోడ్డు రవాణా సంస్థ (TSRTC)కి చెందిన పర్యావరణ అనుకూల ఎయిర్ కండిషన్డ్ ఎలక్ట్రిక్ బస్సులు హైదరాబాద్లోని ప్రయాణికులకు త్వరలో అందుబాటులోకి రానున్నాయి. గ్రేటర్ హైదరాబాద్ రీజియన్లో దశలవారీగా 1,300 ఎలక్ట్రిక్ బస్సులను ప్రవేశపెట్టాలని నిర్ణయించిన టీఎస్ఆర్టీసీ త్వరలో 25 ఎలక్ట్రిక్ బస్సులను వినియోగంలోకి తెచ్చేందుకు ఏర్పాట్లు చేస్తోంది.
Also Read : Dengue In Delhi : ఢిల్లీలో డెంగ్యూ డేంజర్.. వారంలో 105 కేసులు నమోదు
సోమవారం బస్భవన్లో ఎలక్ట్రిక్ ఏసీ బస్సు నమూనాను టీఎస్ఆర్టీసీ మేనేజింగ్ డైరెక్టర్ వీసీ సజ్జనార్ పరిశీలించి, బస్సులో ప్రయాణికులకు కల్పిస్తున్న సౌకర్యాలపై అధికారులను అడిగి తెలుసుకున్నారు. హైదరాబాద్లో త్వరలో పర్యావరణ అనుకూల ఎలక్ట్రిక్ బస్సులను కార్పొరేషన్ అందుబాటులోకి తీసుకురానుంది. చొరవలో భాగంగా, ఒలెక్ట్రా గ్రీన్టెక్ లిమిటెడ్ (OGL)తో 550 ఎలక్ట్రిక్ బస్సుల కోసం ఆర్డర్ చేసింది. హైదరాబాద్ నగరంలో 500 బస్సులు, విజయవాడ రూట్లో 50 బస్సులు నడపాలని నిర్ణయించామని, ఇప్పటికే 10 ఎలక్ట్రిక్ బస్సులు తిరుగుతున్నాయని సజ్జనార్ తెలిపారు.
Also Read : AP CM Jagan: వరద ప్రభావిత ప్రాంతాల్లో రేపు రెండో రోజు సీఎం జగన్ పర్యటన
రానున్న రోజుల్లో హైదరాబాద్లో అన్ని ఎలక్ట్రిక్ బస్సులను నడపాలని టీఎస్ఆర్టీసీ యోచిస్తోంది. ఈ ఆర్థిక సంవత్సరంలో నగరంలో 500 ఎలక్ట్రిక్ బస్సులు అందుబాటులోకి రానున్నాయి. “వాటిలో 50 ఏసీ బస్సులు, మిగిలినవి ఆర్డినరీ లేదా మెట్రో ఎక్స్ప్రెస్ బస్సులు. Olectra ఈ బస్సులను TSRTCకి గ్రాస్ కాస్ట్ కాంట్రాక్ట్ (GCC) ప్రాతిపదికన విడతల వారీగా సరఫరా చేస్తుంది. వీటితో పాటు నగరంలో మరో 800 ఎలక్ట్రిక్ బస్సుల కొనుగోలు ప్రక్రియ కొనసాగుతోంది’’ అని సజ్జనార్ తెలిపారు.