Nothing Phone (4a) Launch: ప్రముఖ స్మార్ట్ఫోన్ బ్రాండ్ నథింగ్ (Nothing) నుండి కొత్త మిడ్రేంజ్ స్మార్ట్ఫోన్ Nothing Phone (4a) డిజైన్ను అధికారికంగా ప్రకటించింది. ఇప్పటికే ఈ ఫోన్ పింక్, బ్లూ, బ్లాక్ కలర్లలో వస్తుందని కంపెనీ ప్రకటించగా.. తాజాగా కొత్త పింక్ కలర్ వెర్షన్ను ప్రత్యేకంగా హైలైట్ చేస్తూ, డిజైన్లో వినూత్న మార్పులు తీసుకువచ్చింది.
The Paradise: మీకోసం.. “ఆయా షేర్” సాంగ్ లిరిక్స్..
Nothing Phone (4a)లో ప్రధాన ఆకర్షణ కొత్త ‘Glyph’ లైటింగ్ సిస్టమ్. కెమెరా పక్కన కుడి వైపున నిలువుగా అమర్చిన 6 తెలుపు LED లైట్స్ ఉండనున్నాయి. అంతేకాకుండా.. ఒక రెడ్ కలర్ LED కూడా ఉంటుంది. ఇది వీడియో రికార్డింగ్ సమయంలో ఇండికేటర్గా పనిచేస్తుంది. ఈ Glyph లైట్స్ ద్వారా డాల్ఫిన్, వింగ్స్ వంటి ప్రత్యేక నోటిఫికేషన్ ఎఫెక్ట్స్తో పాటు Glyph ప్రోగ్రెస్, కెమెరా టైమర్ కౌంట్డౌన్, కెమెరా షట్టర్ వంటి ఫీచర్లు కూడా అందుబాటులో ఉంటాయి.
Nothing Phone (4a)లో కెమెరా డిజైన్ను కూడా మెరుగుపరిచారు. Nothing Phone (3a)తో పోలిస్తే కెమెరా బంప్ను తగ్గించారు. ఈ ఫోన్లో టెట్రా ప్రిజమ్ టెలిఫోటో లెన్స్ ఉపయోగించడం వల్ల కెమెరా మాడ్యూల్ మరింత స్లిమ్గా ఉంటుంది. Nothing Phone (4a) అధికారిక లాంచ్ ఈవెంట్ మార్చి 5న లండన్లో జరగనుంది. ఈ కార్యక్రమం భారత కాలమానం ప్రకారం సాయంత్రం 4 గంటలకు ప్రారంభమవుతుంది.
